8.7 C
Pontevedra
Xoves, 28 de Marzo de 2024
Máis
    HomeA ParadantaCoveloEsta fin de semana música, boa gastronomía e o mellor xénero na...

    Esta fin de semana música, boa gastronomía e o mellor xénero na Mostra de Produtos de Covelo

    O sábado día 2 de abril de 10 a 14 horas na contorna da praza Mestre Cerviño celebrarase como cada primeiro sábado de mes o encontro cos produtores locais

    O sábado 2 de abril o concello de Covelo celebra unha nova xornada da súa Mostra de Produtos de Covelo. De 10 a 14 horas poderanse mercar produtos téxtiles, macramé, artesanía, decoración, cestería, cosmética natural, xoiería, horta ecolóxica, pan artesán, maquetería, libros, prantas, xoguetes, cerámica e un longo etc de produtos de proximidade.

    A Mostra ofrece un plan completo e engade música na sesión vermú a partir das doce do mediodía co conxunto Ronco&Fol. Tamén poderemos gozar da boa gastronomía da zona e do posto de polbo.

    Cada primeiro sábado de mes e co apoio da Deputación de Pontevedra, Covelo celebra a súa Mostra na que conectar aos productores locais coa veciñanza da área metropolitana que ademais de gozar deste encontro aproveita para facer sendeirismo, coñecer o patrimonio histórico local e descobrir  novas paraxes naturais.

    A concelleira de Turismo, Lourdes Enes, explica a importancia desta actividade porque ofrece un espazo para que os productores locais amosen o que comercializan e atrae tamén a persoas de fóra do concello, estando xa consolidada na axenda da veciñanza e dos e das visitantes cada primeiro sábado de mes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.