7.6 C
Pontevedra
Venres, 29 de Marzo de 2024
Máis
    HomeA ParadantaCoveloCovelo solicita á Consellería de Sanidade medidas urxentes para a mellora da...

    Covelo solicita á Consellería de Sanidade medidas urxentes para a mellora da atención no centro de saúde local

    O goberno de Covelo urxe a inmediata actuación da Consellería de Sanidade para a mellora da atención sanitaria no centro de saúde local.

    O alcalde, Pablo Castillo, logo de solicitar no mes de novembro un encontro co conselleiro Julio García Comesaña, solicita que se cubra de inmediato a praza da médica xubilada de Maceira de xeito que a poboación estea atendida con dous médicos de atención en consulta e domicilios.

    Ademais, urxe na necesidade da inaprazable restitución do servizo de atención de pediatría no centro de saúde local, e recorda que así lles foi comunicado en diversas reunións mantidas cos responsables da direccíon da área sanitaria de Vigo.

    No mes de novembro o goberno local xa instara á Xunta de Galicia a incluir nos orzamentos do 2022 as partidas necesarias para acometer as obras de reforma e acondicionamento integral do Centro de Saúde de Covelo.

    “Sendo plenamente consciente de que é necesario buscar a racionalidade e a eficiencia nos gastos de sanidade, consideramos que non se deben aplicar os mesmos criterios de media e cuotas de cartillas por médico aos profesionais que exercen no rural que aos que o fan na cidade”, explica Castillo.

    Ademais, o rexedor local insiste en que non se pode comparar as distancias que recorren os médicos do rural cos das cidades nin o estado das estradas polas que transitan. “Nin tampouco podemos comparar o nivel de rendas, a densidade, nin a idade media ou o índice de avellentamento da poboación que atenden. Todos sabemos que a poboación do rural ten maior necesidade de servizos de atención médica en consulta e en domicilios que a poboación da cidade”.

    Por último, reclama o compromiso da Consellería de Sanidade na execución de obras de reforma e acondicionamento integral da totalidade do inmoble axeitándoo aos novos usos e servizos demandados tanto polos facultativos como polos usuarios/as. Por este motivo, o Pleno da Corporación aprobou recentemente a cesión á Consellería de Sanidade, para o uso sanitario, da totalidade dos inmobles e parcelas afectadas.

    No pleno ordiario de decembro, o goberno apoiou a moción presentada pola Plataforma en Defensa da Sanidade Pública que se completou coa inclusión dun punto que demandara as peticións específicas para a mellora integral do Centro, a incorporación dun novo médico/a e a recuperación do servizo de pediatría en Covelo.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.