8.3 C
Pontevedra
Xoves, 28 de Marzo de 2024
Máis
    HomeA ParadantaCoveloCociña en directo e música ao aire libre nunha nova edición da...

    Cociña en directo e música ao aire libre nunha nova edición da Mostra de Produtos de Covelo

    Como cada primeiro sábado de mes, o concello de Covelo celebra a súa Mostra de Artesanía na praza Mestre Cerviño. De 10 a 14 horas poderanse mercar produtos téxtiles, macramé, artesanía, decoración, cestería, cosmética natural,helicicultura, panadería, xoiería, horta ecolóxica, pan artesán, maquetería, libros, prantas, xoguetes, cerámica e un longo etc de produtos de proximidade. Ademais, poderase acudir para tirar unha foto na cámara minuteira de Ángel Borrué e gozar da sesión vermouth acompañados de música ao aire libre.

    Nesta nova edición da Mostra de Produtos de Covelo tamén existe a posibilidade de participar na sesión de cociña en directo con degustación de dúas receitas a partir das once da mañá.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.