As instalacións dos novos sistemas de iluminación teñen como finalidade mellorar a súa eficiencia enerxética, substituíndo as existentes por outras que supoñen un consumo de enerxía máis reducido e respectuosa co medio ambiente, e o actual proxecto é complementario coas actuacións que xa se executan na iluminación de Arbo.
O Instituto para a Diversificación e Aforro da Enerxía (IDAE), concedía unha achega do 80% de fondos FEDER para a execución do proxecto denominado “iluminación Exterior Sostible II Feder-EELLL-2019-000-499” para o Concello de Arbo
Estas axudas van destinadas as entidades locais para proxectos singulares de entidades locais que favorezan o paso a unha economía baixa en carbono do IDAE no marco do programa operativo FEDER de Crecemento Sostible 2014-2020.
Este proxecto presentouse no segundo semestre do 2017. Nel están incluídas as actuacións de substitución dos puntos de luz existentes e das actuais iluminarías por Luminarias LED máis eficientes nas zonas que se indican dentro do termo municipal de Arbo. O proxecto contempla a substitución de 189 luminaria por tecnoloxía led, en Eidos de Arriba e Eidos de Abaixo na parroquia de Sela , en A Hermida, Polígono Industrial, na Po400 baixa a Ponte Internacional, entre outros – informa o alcalde do Concello de Arbo Horacio Gil – o que permitirá reducir as emisión de CO2, ademais dun aforro na factura eléctrica e a evitación da contaminación.
