17.4 C
Pontevedra
Martes, 16 de Xullo de 2024
Máis
    HomeA ParadantaArboArbo recupera o Muíño de San Xoan que sufrira serios danos por...

    Arbo recupera o Muíño de San Xoan que sufrira serios danos por actos vandálicos

    As obras ascenderon a 15.651,25 euros e foron acometidas por unha empresa local .

    O Muíño de San Xoán, situado o carón da Ponte Románica de San Xoán e un dos lugares máis emblemáticos de Arbo, foi recuperado polo Concello tras sufrir numerosos danos provocados por persoa ou persoas descoñecidas. Os intrusos prenderon lume no interior o que provocou que as madeiras queimáranse e amais romperon cristais e xanelas, chans e teitos de madeira.

    “O Concello de Arbo recuperou o muíño no ano 2017 –apunta o alcalde Horacio Gil– é con estas obras de rehabilitación recuperase un dos elementos situados nunha das zonas patrimoniais máis importante de Arbo”

    A reparación foi financiada ao 100 % con cargo aos fondos propios do Concello, tras ingreso da compañía aseguradora realizado o día 1 de abril de 2020, que deu lugar ao correspondente expediente de contratación, que se viu parado polo Estado de Alarma. Cómpre salientar que o deterioro que estaba a sufrir o inmoble podería afectar a súa estrutura.

    Os perigos que se apreciaban na zona eran evidentes e aínda que o Concello adoptou as medidas necesarias de seguridade –poñendo enreixado para evitar o acceso ao mesmo e sinalando a zona–, foron varias as ocasións nas que as mesmas estaban movidas ou desapareceron do lugar.

    Horacio Gil, que condena estos feitos, lembra “que os bens municipais son de todos os arbenses, e debemos coidalos”. O rexedor sinalou que a empresa encargada da recuperación foi unha empresa local “sendo sempre prioridade deste Concello a contratación de obras, a empresas locais o que supón nestes momentos todavía de crise, unha reactivación da económia local”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.