O Concello de Arbo, acaba de aprobar o convenio coa Consellería de Medio Ambiente, Territorio e vivenda a través da Dirección Xeral do Territorio e Urbanismo para realizar obras de ampliación do vial entre a rúa Vázquez Estévez e a estrada PO-400.
Os equipamentos urbanos desempeñan un papel fundamental como elemento dinamizador de desenvolvemento social e cultural da nosa sociedade e son, ademais, elementos estruturais na contorna urbana.
As intervencións definidas como contornas urbanas recollen as actuacións enfocadas a mellorar o espazo público tendo en conta as necesidades de utilización e en relación coa mellora da contorna, o ambiente e a calidade de vida.
Coa presente actuación preténdese a apertura dunha nova rúa entre a estrada PO-400 que se sitúa no extremo norte da vía prevista e a rúa Vázquez Estévez, no seu extremo sur. A proposta supón a completa urbanización da rúa coa incorporación dunha calzada dun único sentido de circulación de vehículos, beirarrúas a ambos os lados e unha zona axardinada. A intervención complétase coa disposición dun paso de peóns e reparación da beirarrúa da rúa Vázquez Estévez.
O orzamento de execución por contrata de 315.513,77 €, correspondendo a base 260.722,18 € e ao IVE do 21 % 54.758,59 €, dos que a Consellería de Medio Ambiente, Territorio e Vivenda aportará 252.132,62 € (70 % do custe estimado) e Concello de Arbo 108.056,84 € (30 % do custo estimado)
O obxeto da obra e a recuperación de espazo público peonil para facilitar os desprazamentos e potenciar a súa función como espazo de encontro dos veciños. – Mantemento e conservación das rúas en óptimas condicións de seguridade, para os vehículos e transeúntes. Coas obras permitirase a saida de vehículos a través do mesmo ata a Estrada autonómica PO-400, liberando de tráfico o casco urbano de Arbo, principalmente da parte xa peatonalizada. Ao mesmo tempo, ao contar con aceras este novo tramo, constituirá un itinerario seguro para os peons que accedan o casco urbano dende outras zonas.
Coas as actuacións previstas pretendese mellorar a seguridade vial na zona e na súa contorna e dotar de máis infraestruturas e mellores comunicacións aos arbenses.
