14 C
Pontevedra
Luns, 23 de Maio de 2022
Máis
    HomeA ParadantaArboA Festa da Lamprea de Arbo conta, un ano máis, co apoio...

    A Festa da Lamprea de Arbo conta, un ano máis, co apoio da Deputación

    A institución apoia con 6.000 euros este evento, unha das festas gastronómicas máis antigas de Galicia

    A Festa da Lamprea, que entre os días 22 e 24 de abril encherá Arbo de miles de comensais para exaltar esta exquisita especie primitiva de millóns de anos, volverá contar un ano máis co apoio da Deputación de Pontevedra. A institución provincial destinará 6.000 euros para promocionar o evento, declarado de interese turístico nacional en 2016 e consolidado como un dos grandes reclamos festivos do calendario gastronómico de Galicia.

    A Deputación salienta que se trata dunha das festas gastronómicas máis antigas da comunidade, que arrancou no ano 1961 e que, dende aquela, tense convertido nun foco de atracción de milleiros de persoas que se dan cita en Arbo para desfrutar das múltiples preparacións da lamprea. O obxectivo da institución provincial con esta axuda é xuntar esforzos e impulsar accións conxuntas para promover o turismo na provincia, acadar unha maior difusión da Festa da Lamprea e dar a coñecer este manxar, que ten como base unha especie capturada de xeito tradicional e da que xa desfrutaban os emperadores romanos.

    A Festa da Lamprea naceu da man da veciñanza, funcionariado e empresas de restauración do concello de Arbo para dar a coñecer tanto os viños da zona como o seu produto estrela. Dende aquela, cada última fin de semana de abril enxálzase esta delicia culinaria que pode degustarse en múltiples preparacións: dende á arbense (en cazola de barro guisada coa súa propia sangue, con arroz branco e pan tostado) ata seca, rechea, á brasa, con tirabeques ou en empanada.

     A Festa da Lamprea é unha das catro citas declaradas de interese turístico nacional da provincia. Comparten esta distinción a Festa da Reconquista de Vigo, a Festa do Marisco do Grove e a Festa da Auga de Vilagarcía de Arousa. A Deputación apoia ano tras ano estes eventos, ao igual que as festas de interese turístico internacional e todos aqueles acontecementos festivos que contribúen á promoción do territorio.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS