10.2 C
Pontevedra
Venres, 29 de Marzo de 2024
Máis
    HomeA ParadantaArboA Festa da Lamprea de Arbo aspira a ser unha festa de...

    A Festa da Lamprea de Arbo aspira a ser unha festa de interese turístico internacional

    A lamprea en Arbo é toda unha tradición. Prepárase desde hai séculos e a que se captura a esta altura do Miño ten unha textura, unha cor e un sabor diferentes. De potente sabor, a lamprea é un manxar que non deixa indiferente a ninguén. Non existe constancia doutro pobo no mundo que teña unha tradición tan antiga e arraigada ao redor deste “peixe” ciclóstomo prehistórico e misterioso. Delicia gastronómica para moitos padais, que en Arbo elevan a unha cota de goce sublime grazas ás receitas ancestrais.

    Desde fai sesenta e dous anos o concello de Arbo homenaxea este prezado manxar coa celebración da Festa  da Lamprea, a cal ten unha cita cada ano o  último domingo de abril. Son moitas as festas que se celebran por toda Galicia, a Festa da Lamprea é a Festa culinaria máis antiga alcanzando gran popularidade ao longo dos anos ata converterse en 2005 en “Festa de Interese Turístico de Galicia” e en 2016 en “Festa de Interese Turístico Nacional” que recoñece a antigüidade, continuidade no tempo, o arraigamento e a participación cidadá, así como a orixinalidade e diversidade dos actos e as accións de promoción realizadas para o efecto.

    O alcalde, Horacio Gil, explicou que se envio á Subdirección Xeral de Desenvolvemento e Sustentabilidade Turística da Secretaría de Estado de Turismo do Goberno de España o expediente e documentación xustificativa da Festa da Lamprea para conseguir a declaración de Festa de Interese Turístico Internacional.

    A solicitude conta co apoio e aprobación do pleno da Corporación  así como da Axencia de Turismo de Galicia  e aprobar a solicitude da Festa de Interes Turistico Internacional. Grazas a este traballo desenvolto o expediente cumpre cos requisitos establecidos en Orde ICT/851/2019, do 25 de xullo, pola que se regula a declaración de festas de interese turístico nacional e internacional.  O arraigamento, a historia, o valor cultural e tradición da Festa da Lamprea pode seguirse a través da páxina web da Festa da Lamprea https://festadalamprea.gal/ creada polo Concello de Arbo no ano 2020. 

    En palabras do profesor e historiador Manuel Xiraldez: Arbo, “A Vila da Lamprea”, con este lema de benvida no panel informativo da entrada á localidade empézase a recibir visitantes nos anos sesenta, e esta referencia do Petromizoico en capital esta fixado para sempre. En 1961, coa celebración do primeiro “Día da Lamprea”, o pobo de Arbo acaba de atopar un lugar no mundo, adquirindo para a posteridade este produto de Miño, tan excedente na época, apelido que fai referencia a un punto de orixe: “a lamprea de Arbo”. Ao longo de case medio século de vida, cando se celebraron as vodas de ouro en 2010, a festa anual do animal de Sete Buracos ou Peixe dos Nove Ollos é o principal aceno de identidade que sitúa ao vello Arbo en Galicia, España, Europa e o Mundo. Na revista da Asociación de Restaurantes Galegos en Europa (Lareira, nº 1. Madrid 1989) defínese Arbo como o “centro de gravidade do universo da lamprea” e nos mesmos anos un reclamo turístico sitúa neste punto xeográfico “A Meca da Lamprea”.

    O rexedor arbense insistiu que a Festa da Lamprea “é a manifestación e o valor dun pobo. Un pobo orgulloso das súas tradicións, da súa paisaxe, do seu patrimonio, da súa historia, da súa enogastronomía e da súa Festa Maior. Un pobo onde a súa xente hospitalaria e os seus visitantes apostan polo desenvolvemento e mellora da calidade de vida deste municipio”.

    “A Festa da Lamprea é o noso orgullo nela envorcamos todo o noso traballo, esforzo e agarimo”, manifestou o rexedor, Horacio Gil, “esta festa serve para render homenaxe a todas as persoas que ao longo da historia deron a coñecer a nosa localidade: precursores da Festa, alcaldes, corporacións, pescadores, cociñeiros, asociacións e veciños. A Festa é unha gran cita, a nosa cita, a nosa festa, que pretendemos converter en Festa de Interese Turístico Internacional”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.