16.2 C
Pontevedra
Luns, 16 de Maio de 2022
Máis
    HomeA ParadantaA CañizaO pleno do Concello da Cañiza aprobará o proxecto de recuperación do...

    O pleno do Concello da Cañiza aprobará o proxecto de recuperación do entorno da ponte das Achas

    No Pleno Extraordinario deste 28 de abril aprobarase o Convenio de colaboración coa Deputación de Pontevedra para a execución deste proxecto por un importe de 411.015,58 €, dos que están subvencionados polo organismo provincial o 70 %, un total de 287.710,91 €. O Concello asume con fondos propios o 30 % restante: 123.304,67 € distribuídos en dúas anualidades.

    A sinatura deste convenio converte en realidade a xestión realizada polo Alcalde ante a Deputación que preside Carmela Silva, coa redacción e execución dun proxecto moito máis ambicioso e integral do que se solicitaba inicialmente. Ademáis da recuperación da ponte románica de Achas, a Deputación recuperará a súa contorna, un total de 560 metros que coincide con todo o tramo vello da estrada provincial EP-5002.

    A execución deste proxecto dará resposta a unha reivindicación das veciñas e veciños das Achas e da Cañiza que leva enriba da mesa máis de 30 anos. Por iso Luis Piña agradece á Deputación e a súa Presidenta  o apoio a esta actuación.

    Por outra banda o Alcalde afirmou que antes de poder asinar este Convenio ,que se aprobará no Pleno de mañá, era necesario ter a disposición do Concello os terreos afectados pola obra de recuperación. Un pequeno tramo lindante co vial da EP-5002 que grazas á cooperación dos veciños conseguiuse ceder en menos de 15 días.

    Luis Piña salientou a colaboración destes veciños e agradeceu a implicación de todos eles con este proxecto ao asinar e ceder gratuitamente as parcelas. Un  xesto que posibilitará que a obra se axilice.

    A SINATURA DESTE CONVENIO PERMITIRÁ DESENVOLVER UNHA ACTUACIÓN INTEGRAL EN TODO O TRAMO ANTIGUO DA PONTE DE ACHAS E A SÚA CONTORNA

    O proxecto elaborado pola Deputación para o acondicionamento dos 560 metros entre os núcleos das Achas e a Ponte, prevé unha actuación integral para a mellora da seguridade viaria entre estes dous núcleos, recuperando ademais os valores patrimoniais da ponte das Achas, substituindo o firme de asfalto actual por pavimento de lastra de granito e as actuais varandas metálicas por un peitoril de pedra de 110 centímetros de altura.

    Ademáis e segundo se recolle no Convenio, no núcleo das Achas proxéctase unha zona de convivencia de tráfico rodado e peonil mediante unha plataforma elevada de formigón de cor gris escura, previo saneo do pavimento existente.

     O embelecemento da zona consistirá tamén na pavimentación con lastras graníticas dos sobreanchos da estrada. No contacto dos novos pavimentos coas vivendas disporase unha cenefa con lousas graníticas rectangulares. Ademais, enlazando coa plataforma elevada de preferencia peonil proxéctase unha senda ao longo da marxe dereita de 2,50 metros de ancho medio.

    Ata a zona da depuradora disporase unha cuneta de formigón practicable entre a senda e a calzada, que funcionará tamén como rega para as parcelas lindeiras. A drenaxe solucionarase en ámbolos dous treitos da senda cunha canalización soterrada de PVC de 400 mm de diámetro.

    O proxecto, que inclúe tamén a aplicación dunha nova capa asfáltica, prevé que a circulación do tráfico rodado no acceso ao núcleo da Ponte quede restrinxido ao sentido de Oeste a Este. Con este fin ampliarase a zona verde existente na intersección e disporase unha sebe vexetal de buxos no linde coa senda.

    Tamén se contempla o alumeado da senda con novas luminarias led sobre columnas de 9 metros. Ademais se soterrarán as liñas de enerxía eléctrica e telefonía. A obra complétase coa disposición ao longo da actuación de banco de granito e asento de pedra.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS