O vindeiro domingo 10 de xullo, un ano máis, como todos os segundos domingos do mes de xullo celébrase a festividade do Cristo da Agonía na Cañiza.
A do Cristo da Agonía é unha das festividades con máis arraigo e tradición do noso Concello, con máis de 120 anos de existencia. As actividades programadas para a xornada inclúen a realización dun “pasa-rúas” polas vías do casco urbano, que dará comezo ás 11.00, a cargo da Banda de Gaitas Xarabal de Vigo.
A misa solemne será ás 11.30 horas e será cantada pola Coral Polifónica da Cañiza. A continuación, terá lugar a procesión, acompañada pola Banda de Gaitas Xarabal de Vigo.
Ao finalizar a procesión, a banda de gaitas, contratada polo Concello, dará un concerto no cruce entre as rúas Vilanova e Progreso (Cruce Xatomé).
O Concello, tamén un ano máis, colabora coa organización en materia de limpeza e seguridade para que as actividades programadas descorran da mellora maneira e para maior goce dos veciños e visitantes da nosa vila nestas datas estivais.
