10.2 C
Pontevedra
Venres, 29 de Marzo de 2024
Máis
    HomeA ParadantaA CañizaA Cañiza asina coa escola de música a súa primeira colaboración oficial

    A Cañiza asina coa escola de música a súa primeira colaboración oficial

    O alcalde da Cañiza, Luis Piña e o xerente da escola, Diego Paín Baúlde, asinaron o pasado 22 de decembro, antes do concerto de Nadal celebrado no auditorio municipal, a primeira colaboración oficial entre o Concello e a escola.

    Un convenio que ten como obxectivo favorecer e impulsar o funcionamento e mantemento das actividades derivadas do proceso formativo da ensinanza musical. Canto, guitarra, batería, acordeón, piano, orquestra infantil, ukelele, baixo, teoría popular contemporánea, cultura xeral e historia da música moderna son algunhas das disciplinas e materias que se impartirán nesta nova etapa.

    Esta colaboración rematará o vindeiro 15 de setembro de 2026, pero poderá ser prorrogada por un máximo doutros 4 anos por acordo das dúas partes.

    Segundo manifestou o alcalde, Luis Piña, “antes de formalizar esta sinatura, mantivemos unha negociación que nos permitiu plasmar no texto do Convenio esta colaboración que entendemos resulta o instrumento máis axeitado para mellorar o desenvolvemento da actividade musical no noso municipio e crear unhas condicións de colaboración estables”.

    Compromisos da Escola de Música

    A Escola de Música asume o compromiso de destinar os espazos cedidos polo concello, única e exclusivamente para o desenvolvemento de docencia musical ou actividades relacionadas coa mesma, promover accións tendentes a garantir a formación musical do seus alumnos-as nas materias e disciplinas de canto, guitarra, batería, acordeón, piano, orquestra infantil, ukelele, baixo, teoría popular contemporánea, cultura xeral e historia da música moderna, ensamble e ensaios xerais e festivais e actuacións.

    Ademáis se compromete a ofrecer de xeito gratuíto e con entrada libre, un concerto ou actuación musical alomenos unha vez ao ano en colaboración co Concello.

    Compromisos do Concello

    A partires desta sinatura, o Concello colaborará oficialmente coa Escola de Música Moderna, de titularidade privada, autorizando o uso gratuito de 4 aulas no inmoble do Centro Comarcal para o desenvolvemento de actividades con fins didácticos de ensinanza de música e artes.

    Cédese o uso de 4 aulas acondicionadas para a actividade e un espazo común con escenario (un aula de batería completamente insonorizada, unha segunda aula para guitarra e dúas aulas para piano e linguaxe musical). Todas elas dotadas con mobiliario básico.

    Entre os compromisos do Concello están facerse cargo dos servizos de limpeza, calefacción, electricidade, auga e manter internet de banda ancha.

    Por outra banda, o Concello resérvase a posibilidade de traslado das instalacións e condicións estipuladas neste acordo. Deste xeito, no caso de traslado, garantirá a insonorización da aula de batería, así como das outras aulas cun investimento mínimo en materiais de sonorización para un son mínimamente adecuado.

    Ademáis segundo manifestou o Alcalde “o Concello comprométese a apoiar institucionalmente a Escola de música da Cañiza en materia de difusión e coordinación no desenvolvemento da actividade no devandito centro municipal”.

    Para poder efectuar un seguimento do grao de cumprimento deste convenio constitúese un Consello Escolar, integrado por 2 representantes da Escola de música e 2 representantes do Concello da Cañiza.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.