O alcalde de Nigrán, Juan González, recibiu onte en visita institucional ao Concello a Ana Ortiz, nova delegada da Xunta en Vigo. O rexedor aproveitou a ocasión para trasladarlle persoalmente todas aquelas cuestións do municipio que son de competencia autonómica e que urxe abordar, como é a obtención da titularidade municipal da vivenda de mestres de Balinfra (Camos) cedida por Educación a unha docente que non reside aí. Ademais, plantexou posibles colaboracións do organismo autonómico en aspectos clave no municipio como pode ser a humanización de Manuel Lemos (tramo da Ramallosa) ou a posta en valor do arco visigótico de Panxón. Ao finalizar a reunión, González destacou o bo talante e actitude da delegada durante este primeiro encontro, confiando ao mesmo tempo en que as peticións realizadas sexan finalmente asumidas desde o organismo autonómico.

No recinto de Balinfra o Concello de Nigrán dispón desde 2015 das antigas escolas infantís asociadas as dúas casas (empregadas por diferentes asociacións) e desde 2017 obtivo a titularidade dunha das dúas vivendas (a emprega o CEE Juan María no seu programa de respiro familiar) restando só a desafección educativa da segunda en cuestión, reclamada por Concello e veciñanza reiteradamente. A edificación completa foi construída hai máis dun século para fogar dos profesores de Camos é consta dun volume de 339 metros cadrados dividido en dúas residencias pareadas (números 43 e 45). Cada casa conta con 80 metros cadrados de planta, dous pisos e xardín nunha parcela municipal de 2.789 metros cadrados acondicionada como parque infantil. “A vivenda é un dereito básico das persoas que contribúe á súa integración social e calidade de vida, resulta ata obsceno ter unha casa en desuso, máximo se pertence a unha admistración pública”, considera o rexedor, quen incide en que, precisamente, o único ‘parche’ do recinto de Balinfra é esta vivienda deshabitada.

“A relación coa Xunta é boa pero nos gustaría que iso viñese tamén acompañado de investimentos para Nigrán”, transmitíulle González, quen asimismo recoñeceu o bo traballo conxunto entre as dúas administracións para estar actualmente a piques de levar o PXOM a Aprobación Provisional ou, “finalmente e tras telo pelexado”, acadar que a cociña construída íntegramente polo Concello cun investimento de 374.000 € no CEIP Humberto Juanes sexa incluída na licitación da Xunta como punto no que deberá cociñar o futuro catering adxudicatario do lote de colexios públicos de Nigrán.

Igualmente, a delegada da Xunta interesouse por proxectos relevantes para Nigrán nos que o goberno autonómico podería colaborar. Neste sentido, González destacou a humanización da rúa Manuel Lemos no tramo urbano da Ramallosa, cun proxecto de 1,1 millóns de euros que inclúe ampliación de beirarrúas, zonas de descanso ou vexetación en altura como protagonista mediante unhas novidosas pérgolas para trepadoras. “Non conquerimos que a Xunta reparase Otero Pedrayo e tivemos que solicitar a súa titularidade para facelo nos, agora convidámoslle a firmar un convenio para arranxar esta estrada autonómica”, incide.

Neste sentido, o rexedor destacou a necesidade tamén de que a Xunta colabore co Obispado para arranxar o problema de pingueiras no Templo Votivo de Panxón e, a maiores, o alcalde destacou o proxecto do Concello para investir 321.000 euros destinados a recuperar todo o enclave do arco visigótico como verdadeiro referente patrimonial do municipio e como museo ao aire libre. “É un investimento moi pequeno pero está atascado por temas legais e administrativos coa diócese, polo que a colaboración da Xunta poderá ser fundamental para arranxalo”, considera.

O Concello de Nigrán colabora co Centro Cultural e Deportivo ‘Bolos da Carrasca’ para organizar a súa ‘XXVIII Semana Cultural’ que arranca hoxe e que ten o seu día grande o venres 11 de agosto coa undécima festa dos ovos con chourizo, evento gastronómico que o goberno local promoverá para que obteña o distintivo de ‘Interese gastronómico galego'”. Ese día, a partir das 21:30 horas, unha trintena de persoas da entidade estarán a traballar para poder ofrecer 1.500 racións nunha praza da Carrasca totalmente preparada para a ocasión e cuberta por paraugas de cores grazas á colaboración de Juan Alves e o Queimada.

“A festa dos ovos con chourizo é a única festa gastronómica de Nigrán que se mantivo no tempo grazas precisamente a unha entidade cultural e gañando cada vez máis público ata ser unha das máis populares da comarca, polo que consideramos que merece ser declarada de ‘Interese Gastronómico Galego’, unha distinción que podería obter a partir de cumprir os 15 anos”, explica o alcalde, Juan González, quen avanza que desde o Concello xa se está a traballar nese sentido.

A semana cultural arranca hoxe a partir das 21:30 horas co concerto das corais ‘Son dos cantares de Mos’, ‘Polifónica Lira de San Miguel de Oia’ e ‘Ecos do Castelo’. O mércores, o Concello ofrece polo Día da Xuventude a actuación do grupo San Rockers ás 21:30 horas. Xa o xoves, ‘Día do Neno’, a partir das 17:30 horas, o Concello achega o espectáculo do Mago Charlie Braun ao que se lle sumarán hinchables e festa da escuma. Finalmente, o venres será a festa dos ‘Ovos con Chourizo’ coa actuación do grupo ‘Os Alegreso do Val Miñor’, tamén aportación do Concello. “Desde o Concello transmitimos os nosos parabéns ao Centro Cultural A Carrasca polo seu traballo incansable durante todo o ano que contribúe a dinamizar a vida cultural e social da parroquia”, explica González, quen incide en que o goberno local ven de aprobar unha subvención directa de 30.000 € para facer accesible a súa sede, que dispón do auditorio no terceiro andar ao que, a día de hoxe, só se pode chegar por escaleiras.

O Concello de Nigrán festexou este domingo 6 de agosto o seu evento máis surrealista e hilarante do verán: a concentración de artefactos flotantes ‘Flota como poidas’. Un total de 30 tripulantes con idades comprendidas entre os 7 anos (Cloe Vázquez) e os 66 anos (Luis González Ramos) e distribuídos en dez ‘pseudoembarcacións’ construídas por eles mesmos competiron desde as 17:30 horas na Foz do Miñor ante centos de asistentes que desafiaron ás altas temperaturas con tal de presenciar o evento máis cómico do ano.

O xurado finalmente outorgou a ‘Juan Sebastián de Elpalo’ o premio ao artefacto ‘Máis Currado’; á familia máis divertida a ‘As Chuzas’; o ‘Titanic’ a ‘Petrogran’ por ser o primeiro en afundir; á tripulación máis simpática para ‘Escenas de matrimonio’; o ‘Máis cutre’ para ‘Villa Cousa’… Ademais, improvisáronse outros premis como o máis gafe para ‘Can de Palleiro’; o que máis distancia percorreu para ‘¡Mandacaballo!’; premio á resistencia para ‘Gondoleros en apuros’ ou recoñecemento ao vixiante da ponte para ‘A bicichoca’ e o máis enxeñoso para ‘Equipo Firulais’.

Como é xa habitual, o ‘Flota como poidas’ coincidíu coa celebración da festa de comerciantes ‘Portobelo’ organizada coa asociación de empresarios Ovalmi na Alameda de A Ramallosa durante todo o día.

[su_image_carousel source=”media: 75347,75348,75345″ crop=”5:4″ link=”lightbox” autoplay=”0″]