O Concello de Redondela presentou onte, na Praza do Concello, os actos que se desenvolverán exactamente dentro dun mes –o vindeiro 25 de xullo– con motivo do Día Nacional de Galicia. O programa organizado pola Concellería de Normalización Lingüística que dirixe a alcaldesa Digna Rivas, e que se desenvolverá baixo o lema de «Terra... a nosa!», foi presentado na Alameda Castelao pola rexedora local á que acompañaban a concelleira Marta Alonso e o concelleiro Alberto Álvarez.

A rede de fibra óptica avanza no rural da provincia de Pontevedra ao ritmo que marcan as subvencións do Ministerio de Asuntos Económicos e Transformación Dixital co Plan Estatal de Banda Ancha Galicia (PEBANGA). A última convocatoria repartiu o pasado mes de marzo 13 millóns de euros que permitiron levar o servizo a 5.552 fogares pontevedreses. Mentres tanto, as axudas da Xunta canalizadas a través da Axencia para a Modernización Dixital (AMTEGA), resultan escasas e opacas, pois a Xunta non ofrece datos dos seus resultados.

A concelleira de Igualdade do Porriño, Cami Moreira, reclamou a necesidade de "falar e facer cotián a diversidade sexual para aceptar as diferenzas sen temelas, para poder vivir de xeito libre e sen discriminacións".

A aula CEMIT de Ponteareas remata a vindeira semana a súa programación do mes de xuño con dous novos cursos presenciais, abertos á veciñanza e totalmente de balde. No primeiro destes cursos, as persoas interesadas aprenderán a manexar aplicacións de retoque e mellora fotográfica no móbil, un curso de tres horas que se impartirá o luns 28 de xuño de 17:30 a 20:30 horas.

Unha persoa tivo que ser trasladada despois de sufrir un accidente en tráfico entre dous coches, no concello de Tui. Os feitos aconteceron cara ás 17 horas de hoxe cando un particular chamou ao 112 Galicia para dar aviso dunha colisión entre dous vehículos en Randufe, no enlace da estrada N-551 coa A-55.

O BNG de Redondela solicitará información sobre o proxecto de instalación de pantallas acústicas na AP-9 ao seu paso por Chapela ao considerar que a idea do Ministerio de colocar pantallas de formigón, supón "unha nova agresión á parroquia". A través de diversas iniciativas presentadas polo deputado nacionalista, Néstor Rego, o BNG redondelán quere coñecer os pormenores da obra. “Demandamos celeridade na obra, para reducir a contaminación acústica que está a padecer dende hai décadas os veciños e veciñas”, concreta portavoz nacionalista, Xoán Carlos González.

O departamento de Medio Ambiente do Concello de Redondela enviou á dirección xeral de Cambio Climático da Xunta de Galicia, á de Gandería e a Augas de Galicia sendas copias co resultado do informe analítico do verquido detectado nas inmediacións da ponte de Rande o pasado 26 de maio.

Ponteareas conmemora o vindeiro luns 28 o Día Internacional do Orgullo LGTBIQ+ con actividades coas que visibilizar a este colectivo en todos os ámbitos da vida cotiá e sumarse así á celebración, denuncia e reivindicación da diversidade sexual e de xénero.

A Escape Room deseñada polo alumnado de 2º de CM de FP de Instalacións de Telecomunicacións do IES Antón Alonso Ríos, vén de rematar unha exitosa xira por outros centros educativos da comarca.

A primeira será este domingo 27 de xuño en Louredo, con saída desde á aldea Alfacuca en San Antoiño, e regreso ao mesmo punto.

O Concello de Nigrán continúa co seu programa ‘Música nas Parroquias’ organizando as festas patronais de San Pedro da Ramallosa coa gran actuación do ‘Bruxo Queimán’ o 28 de xuño (22:30 horas) no Torreiro de San Pedro.

El Club Bádminton Ponteareas desenvolverá, durante os mércores de xullo e agosto o seu propio Campus de Bádminton tanto para iniciación como perfeccionamento, unha iniciativa que busca que os que xa practican este deporte adquiran técnicas e habilidades que lles permitan mellorar e, os que non o coñezan poidan tomar contacto con esta atractiva disciplina deportiva.

Despois do aprazamento por motivos meteorolóxicos da pasada fin de semana finalmente celebraremos o Día Internacional do Ioga este domingo 27 de xuño no Castelo de Santa Cruz ás 10.30 h da mañá. Esta actividade está organizada polo Centro Awen Yoga en colaboración co Concello da Guarda e xa vai pola súa terceira edición neste fermoso enclave natural. Con este encontro preténdese celebrar este día e que as persoas de diferentes idades e condicións físicas poidan coñecer o mundo do Ioga e os seus beneficios.

A Xunta de Goberno da Deputación de Pontevedra dará o visto bo este venres a recursos por máis de 1,8 millóns de euros para outros nove municipios da provincia ao abeiro das liñas 1 e 2 do Plan Concellos 2021.

Tui acolle este domingo 27 de xuño, a partir das 10:30 horas, no novo pavillón deportivo municipal, o VII Campionato Ibérico de Kung Fu Eurocidade. Este evento está organizado polo Club Di Som Tui, en colaboración coa Eurocidade Tui-Valença e a Federación Galega de Kung Fu. O evento poderá seguirse en liña a través da canle de Youtube da Federación Galega de Kung Fu, ou presencialmente até completar o aforo do pavillón.

A falla únicamente da sinalización horizontal, mediante pintado, nos 5 camiños, onte iniciouse o último dos asfaltados incluídos no Plan Municipal de Mellora da Pavimentación en Camiños do concello de Mos.

A Banda da Escola de Música de Xinzo desembarcará este domingo 27 na sala multiusos do auditorio municipal de Ponteareas para ofrecer un concerto dirixido baixo a batuta de Ángel Antonio Montes.

Concello de Nigrán e Escolas de Surf de Patos abren a tempada de verán este domingo 27 de xuño festexando o ‘International Surfing Day’, unha xornada mundial simultánea adicada á promoción desde deporte e a súa cultura. Durante este día desde Nigrán achegarase ao público a cultura e o deporte do Surf a través de cursos, talleres e diferentes actividades completamente gratuítas, ademais de ter a oportunidade de coñecer a surfeiros profesionais e compartir valores de convivencia e respecto polo medio ambiente.

A alcaldesa de Ponteareas, Cristina Fernández Davila, visitou hoxe acompañada do delegado territorial da Xunta en Pontevedra, Luis López Diéguez, e do xefe territorial de Medio Ambiente, José Manuel González, a recentemente declarada Área de Rehabilitación Integral de Ponteareas.

A alcaldesa de Redondela, Digna Rivas e a concelleira Olga García Ballesteros, reuníronse esta semana con Patricia Rodríguez e Heidi Vander Biest, promotoras da iniciativa #pegadasxlenda que se inclúe dentro de 'Pegadas con alma', unha proposta creada para impulsar accións de voluntariado social e crecemento persoal en Redondela.

Baixo o lema “Aviventa o Deporte” a Deputación de Pontevedra segue a impulsar a práctica deportiva como un dos seus eixos fundamentais de actuación. A presidenta Carmela Silva desvelou hoxe a programación deportiva e sustentable que o ente provincial ten preparada para os vindeiros meses cunha chea de actividades.

Mergullarse na escrita dramática e facelo da man dunha persoa de primeira liña. Ese era o obxectivo do obradoiro de escrita teatral posto en marcha pola Concellaría de Cultura e que acaba de rematar despois de tres meses explorando no reparto das voces na escritura escénica.

O Concello de Tomiño vén de adherirse á rede galega de PRAIAS SEN FUME. Por este motivo, o areal da praia fluvial de Goián manterase a partir de agora libre de cabichas e de malos fumes.

Unha xornada técnica sobre a estratexia transfronteiriza da xestión dos RAEE (residuos eléctricos e electrónicos), serviu hoxe para pechar os programas e actividades do Proxecto ESTRAEE que, desde 2017, liderou a Deputación de Pontevedra, xunto a socios españois e portugueses como Lipor, para poñer en marcha un sistema de recollida e tratamento do lixo electrónico.

Oia acolle este verán unha nova edición do seu campus deportivo, que se celebrará do 5 ao 16 de xullo nas instalacións do campo de fútbol das Tornas e no CEIP Mestre Manuel García. Dirixido a nenos e nenas de entre 5 e 14 anos, a programación incluirá actividades como fútbol, tenis e escalada, entre outras.

O secretario xeral do PSdeG, Gonzalo Caballero, visitou hoxe A Cañiza xunto ao seu alcalde, Luis G. Piña, para coñecer de primeira man as necesidades do municipio.

O pasado mes de maio cumpriuse un ano dende que o Concello de Ponteareas, adiantándose á normativa xeral aprobada pola DGT recentemente, limitou a velocidade no casco urbano a 20 km/h.

O Concello do Rosal levou ás aulas un novo obradoiro de sensibilización medioambiental dirixido ao alumnado de 5º de Primaria do CPI Manuel Suárez Marquier, posto en marcha ao abeiro da subvención cofinanciada con fondos Feder Galicia 2014-2020 para fomentar a reparación e reutilización de obxectos.

O Concello da Guarda ven de publicar as Bases de participación nos Premios de Educación 2020-21, co ánimo de incentivar o estudo e reforzar actitudes e hábitos relacionados co traballo, esforzo, participación e convivencia entre as persoas mozas.

A alcaldesa de Salvaterra de Miño, Marta Vacárcel Gómez, supervisou as obras que nestes momentos estánse a realizar nas aulas do CRA. A Lagoa, obras que son froito dun traballo conxunto entre o Concello, profesorado e pais e nais do centro.

Perante um verão ainda atípico, devido à Covid-19, Vila Nova de Cerveira consegue readaptar-se e manter a excelência do programa ‘Vi(m)ver Cerveira’, em segurança. São oito concertos e mais quatro eventos diversificados que prometem devolver alguma normalidade à dinâmica cultural, cumprindo rigorosamente as orientações emanadas pela Direção-Geral de Saúde.

O Concello de Tui, a través da súa concellaría de cultura, conmemorará esta semana o CXXX aniversario da celebración na nosa cidade dos Xogos Florais de Galicia, que tiveron lugar do 24 ao 26 de xuño do ano 1891 e que marcaron un singular fito na historia de Galicia, ao ser o primeiro acto público celebrado integramente na nosa lingua.

O Auditorio de Goián vístese de festa o vindeiro sábado, 26 de xuño, para acoller o recital de trompeta de Desirée Gómez Bouzada, unha das músicas máis destacadas da Agrupación Musical de Goián. Acompañada por Alejo Amoedo (piano), Rubén Fernández (tuba); Damián Riobó (trombón baixo); Ainara González (trompa) e José Miguel Pérez (trompeta), Desirée actuará ás 21.00 horas, ofrecendo un concerto composto de dúas partes, nas que interpretará pezas de J. Haydn, Andrés Álvarez, J.G. Pennequin e Victor Ewald.

A Deputación de Pontevedra e a Universidade de Vigo poñen en marcha, a través da web da Cátedra de Feminismos 4.0, o Observatorio de Machismo Dixital Stop Machitroles, que permitirá analizar distintos tipos de violencias machistas no eido de Internet e as redes sociais. Esta é unha das novidades da terceira edición da Cátedra, que presentaron este mércores a presidenta da Deputación, Carmela Silva, e o reitor da Universidade de Vigo, Manuel Reigosa, na sede viguesa da Deputación.

O conselleiro de Sanidade, Julio García Comesaña, lamentou, esta tarde no Parlamento de Galicia, a "dobre vara de medir" empregada polo Goberno central á hora de aceptar as modificacións propostas polas comunidades autónomas, de cara a modificar os textos das súas leis sanitarias, para optimizar a xestión da crise sanitaria.

O Concello de Tomiño comezou a semana pasada os traballos para renovar 217 puntos de luz situados en varios tramos das estradas PO-552, PO-344 e PO-553 (Ponte da Amizade), con arranxo ao convenio asinado coa Deputación de Pontevedra 'Iluminación Exterior Sostible II.

A Concellería de Cultura continúa a levar actividades ás diferentes parroquias do municipio ao abeiro do Cultura24, un programa posto en marcha “para achegar a actividade cultural ás vinte e catro parroquias que compoñen o concello ponteareán”.

Os concelleiros Leo Costas e Sara Cebreiro presentaron hoxe as iniciativas municipais para conmemorar o Día do Orgullo LGTBI+ que se celebra o vindeiro luns 28 de maio. Fixérono nas Angustias, Sanguiñeda, onde se atopa un dos varios bancos coa bandeira multicolor, pintados estes días na localidade mosense, de xeito conmemorativo con motivo da devandita data.

O Concello do Rosal e o CPI Manuel Suárez Marquier preparan unha xornada lúdica e festiva para amosar que “somos diversos e iso enriquece”.

As obras de mellora da seguridade viaria na estrada provincial EP-4201 Setados-Ribarteme-Vide, ao seu paso polo concello das Neves, están en marcha cun investimento de 291.383 euros da Deputación.