20.2 C
Pontevedra
Luns, 21 de Setembro de 2020

Redacción

Redacción
3438 POSTS 0 COMMENTS

Descenden a 15 os casos activos de Covid-19 no Rosal

Este xoves 17 tivo lugar a segunda reunión por videoconferencia da Consellería de Sanidade cos rexedores dos concellos do Rosal, A Guarda e Tomiño para o seguimento da situación epidemiolóxica nestes municipios. Neste encontro Sanidade facilitou os últimos datos recollidos no Rosal, que reflicten un descenso tanto no número de casos activos como no de persoas en corentena.

A Guarda continúa co reparto de material da campaña de concienciación sobre limpeza viaria para propietarios de animais

A Concellería de Medio Ambiente do Concello da Guarda lanzou esta semana unha Campaña de concienciación sobre limpeza viaria para os propietarios de animais que contou con dúas sesións presenciais nas que se informou a preto dun cento de veciños e se entregaron material informativo e botellas de xeito gratuíto.

Tomiño pon en marcha a redacción do seu Plan de Acción polo Clima e a Enerxía Sostible

Respaldar a implantación do obxectivo europeo de redución de gases de efecto invernadoiro e adoptar un enfoque común para o impulso da mitigación do cambio climático, serán os fins principais do Plan de Acción polo Clima e Enerxía Sostible (PACES), cuxa redacción está xa en marcha no Concello de Tomiño.

Un préstamo de 2 millóns de euros permitirá a Ponteareas pagar grandes obras antes de cobrar as subvencións

O Concello de Ponteareas contratará un préstamo de 1.925.000 euros a tan só un ano para adiantar o pago ás empresas que están executando numerosas obras subvencionadas pola Deputación e a Unión Europea. O préstamo cancelarase no intre no que eses organismos paguen ao Concello as subvencións que xa foron concedidas. A operación conta co informe favorábel da intervención municipal.

Riders da escola de Ciclismo A.D. Avanza, viaxarán a Valladolid e Granada para participar nos campionatos de España de XCO e BTT descenso DHI

Co ouro conseguido polo rider da escola David Fernández nos campionatos de España de Enduro aínda quente, varios integrantes da escola entre os que se atopa o mesmo David Fernández desprazáranse ata Valladolid para participar no Campionato de España de XCO onde as cores da escolala de ciclismo Avanza estará presente da man de David Maquieira, Pablo Rodríguez, Adrian Durán, David Fernández, e Luís Fernández “Oli” que acompañaran o tamén rider da escola Gabriel Conde que viaxara a Valladolid da man da selección Galega. Os riders da escola viaxan ata Valladolid cunha boa inxección de moral co ouro obtido por David Fernández fai escasamente uns días.

Carmela Silva na presentación Play Doc en Tui “estamos ante a mellor edición do festival”

“Incluso nos momentos de inquedanza, de cambios constantes, somos capaces de atopar oportunidades e innovar, ser capaces de xerar un produto mellor que antes, e isto é o que pasa este ano coa XVI edición do Play Doc”. Con estas palabras, a presidenta da Deputación, Carmela Silva, participou hoxe na presentación do festival internacional de cinema, xunto ao codirector do evento, Ángel Sánchez, ao alcalde de Tui, Enrique Cabaleiro, e a Coordinadora de Política Audiovisual de Agadic, Dolores Meijomín.

Presentado o primeiro equipo do Balonmán Porriño feminino que comeza a súa tempada o vindeiro sábado

O Balonmán Porriño presentou hoxe o seu equipo que xogará unha tempada máis na "Liga Guerreras Iberdrola" da División de Honra feminina que comezará o vindeiro sábado 19 de setembro.

O Concello incrementa nun 56% o investimento no Servizo de Axuda ao Fogar

O Goberno municipal do Rosal continúa coa súa aposta pola mellora dos servizos sociais no municipio. O Concello acaba de aprobar o expediente de contratación do servizo público de axuda no fogar, que contará cun orzamento base de licitación de máis de 255.000 euros, o que suporá un incremento de investimento do 56% con respecto ao último ano natural. O contrato terá unha duración dun ano con posibilidade de prorrogalo dous máis.

As obras para adecuar o entorno da capela de San Xoán xa están en marcha

As obras inclúen a limpeza do ámbito, retirada da capa de formigón do entorno cércano a capela e a colocación de adoquín ou enlosado de granito país, colocación de bancos e dunha Varanda de protección nas escaleira de acceso peonil.

Este sábado arranca de novo o mercadillo semanal dos sábados na Alameda da Guarda

O sábado 19 de setembro retómase o mercadillo semanal dos sábado na Alameda da Guarda, só coa instalación dos postos habituais de froitas e verduras, prantas e embutidos. Dende o consistorio local apélase á responsabilidade individual para que todo funcione de xeito adecuado e...

Ponteareas participa na Semana Europea da Mobilidade con diferentes actividades

A Semana Europea da Mobilidade é unha campaña de ámbito europeo destinada a sensibilizar á sociedade sobre as consecuencias negativas que ten o uso irracional do coche nas cidades e vilas, tanto para a saúde pública como para o medioambiente e os beneficios do uso de modos de transporte máis sostíbeis coma o transporte público, a bicicleta ou os desprazamentos a pé. Celébrase desde 1999 do 16 ao 22 de setembro con actividades para promocionar a mobilidade sostíbel. O día 22 ademais celébrase todos os anos o evento “A cidade sen coche” no que en 2019 participaron 3.136 cidades europeas e á que este ano se suma por vez primeira Ponteareas.

Tras a interrupción por mor da crise sanitaria da COVID-19 a obra da casa que ardera en Pereiras está xa case rematada

A familia de Pereiras que quedou sen o seu fogar debido a un grave incendio a finais do ano pasado poderá regresar a ela durante este outono. Os traballos de rehabilitación da vivenda estaba previsto que estiveran rematados no primeiro trimestre deste 2020, o que non puido ser debido á crise sanitaria da COVID-19 e ao estado de alarma derivado da mesma, que obrigou a interromper a obra.

Nigrán propondrá no vindeiro pleno que a IX Edición dos Premios Nigrán se adique a iniciativas solidarias contra a Covid-19

O goberno de Nigrán proporá no vindeiro pleno ordinario do 28 de setembro que a IX Edición dos Premios Nigrán se adique a recoñecer públicamente as iniciativas solidarias contra o Covid-19 no municipio para retomar xa no 2021 o formato habitual. Deste xeito, o goberno plantexa que a gala correspondente a este ano (e que non se celebrou en maio debido ao confinamento) se realice no vindeiro mes de outubro e ao aire libre para unha maior seguridade sanitaria, trasladando ao 2021 as propostas de premiados realizadas en xaneiro por diferentes entidades.

Andainas pola biodiversidade da enseada, novas xornadas na Rede Natura 2000

Debido a gran demanda de participantes para as actividades educativas e medioambientais na Rede Natura 2000 a concellería de medio ambiente amplía datas e temario para o mes de Outubro. Para comprender o seu valor, hai que coñecer e analizar o patrimonio natural.

O número de casos activos por cononavirus en Galicia mantéñense ao redor dos 4.300

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.306 deles 1.236 son da área da Coruña, 772 da de Lugo, 503 da de Ourense, 584 da de Pontevedra, 394 da área de Vigo, 635 da de Santiago, e 182 da de Ferrol.

María Xosé Queizán convida a “pensar, gozar e profanar” nunha exposición inédita na sede da Deputación en Vigo

A sede da Deputación de Pontevedra en Vigo acolleu a tarde de onte a inauguración da exposición Materiais para pensar, gozar e profanar, unha mostra inédita da obra plástica da escritora, poetisa e ensaísta María Xosé Queizán na que mestura pezas conceptuais e collages con obxectos cotiás, persoais e familiares. “Cambiei o meu modo de comunicar, que é a lingua, por materiais pobres e tanxibles. Expreso ideas tratadas con humor ou retranca, e están presentes a admiración ou a crítica sarcástica”, explicou a autora durante o acto.

Inclúese unha comunidade de augas máis no reparto de subvencións do Concello do Porriño

Finalmente son dez as comunidades de augas de consumo que acadaron subvencións do Concello do Porriño para realizar control sanitario, mantemento de instalacións e reparacións na rede de distribución durante este ano 2020.

Tui precinta e vala a zona inferior do parque infantil dos xardíns de Troncoso ante os numeros actos vandálicos rexistrados

O Concello de Tui procedeu onte ao precintado e vallado da parte inferior do Parque Infantil situado a carón dos Xardíns de Troncoso, no Paseo Familia Álvarez Blázquez. Esta decisión vén motivada polos reiterados actos vandálicos que estaban a rexistrarse nos distintos elementos do parque que foran renovados recentemente tras o seu acondicionamento para cativos e cativas de 0 a 5 anos, cun investimento de 13.752,38 €, e que estaban aínda pendentes de rematar polo que esta zona estaba xa precintada.

A Escola de Música de Mos comeza o curso con todas as medidas anti Covid-19 e sen sufrir disminución de alumnado

A alcaldesa de Mos, Nidia Arévalo, xunto co Presidente da Comunidade de Montes de Torroso, Camilo Grandal, a concelleira de Educación, Julia Loureiro, a concelleira de Cultura, Sara Cebreiro, e o edil da parroquia de Torroso, Alberto Méndez; visitou esta tarde a Escola de Música de Mos e o Conservatorio Profesional de Música de Torroso, sitos no Centro Dotacional de Torroso, con motivo do comezo do novo curso 2020/2021 que hoxe se inicia “con ilusión e afrontándoo con todas as medidas de seguridade protocolarias ante a COVID-19” segundo declaran desde a directiva do Centro Cultural Recreativo de Torroso.

A Policía Local de Redondela denuncia a 19 persoas por non contemplar as mínimas medidas de seguridade fronte á COVID-19

No espazo de poucas horas, a Policía Local de Redondela procedeu a denunciar a un total de 19 persoas por non adoptar as mínimas medidas de seguridade sanitaria fronte á COVID-19 e non utilizar máscaras de protección. A maior parte das denuncias interpostas tiveron lugar na Avenida Mendiño, nas inmediacións do skatepark, lugar onde “xúntanse case que a diario un cento de mozos e mozas que non manteñen as máis elementais medidas de seguridade establecidas”.

O Concello saca a licitación as obras de reforma da Praza de Abastos do Rosal

O Concello vén de sacar a licitación o contrato das obras de reforma da Praza de Abastos do Rosal, unha remodelación interior do mercado sen afección estrutural coa que se busca adecuar o espazo aos novos estándares de confort mediante a redistribución dos postos, o cambio de materiais e de iluminación e a transformación dos servizos existentes. A licitación publicarase este xoves 17 de setembro no Boletín Oficial da Provincia de Pontevedra coas correspondentes especificacións e criterios de selección.

Redondela fai públicos os resultados da enquisa veciñal sobre festivos locais e peche de rúas

Dende a Concellaría de Participación Cidadá do Concello de Redondela que xestiona Susana Couñago, realizouse unha consulta popular do 15 de xullo ao 15 de agosto pasados para pulsar a opinión da cidadanía sobre dúas cuestións: a peonalización das rúas do centro e os festivos locais. Esta era a primeira vez que o Concello de Redondela activaba mecanismos formais para preguntar a opinión da veciñanza sobre algún tema.

Ernesto Iglesias Alemida, cronista oficial de Tui, presenta hoxe xoves dous novos libros

Este xoves, 17 de setembro, ás 20 h no Edificio “Francisco Sánchez” (antiga Área Panorámica) terá lugar a presentación das últimas publicacións editadas polo investigador tudense Ernesto Iglesias Almeida. Trátase de 'Historia militar de Tui a través de los siglos' e 'Os muíños do concello de Tui'.

Tui acolle este venres un curso sobre a xestión de xuntas reitoras de comunidades de montes

A Asociación Forestal de Galicia (AFG) está a desenvolver este segundo semestre do ano un amplo programa formativo dirixido a mellorar o manexo silvícola do monte. Esta semana ten previsto un curso en Tui no que se abordará a xestión de xuntas reitoras de comunidades de montes. Será o venres 18 en horario de tarde no local social Monte das Penizas.

Igualdade informa da apertura do prazo para participar no proceso de selección do programa “Emprégate dende a igualdade”

O Concello de Baiona abre o prazo para participar no proceso de selección do programa Emprégate dende a Igualdade, promovido polo Instituto da Muller e para a Igualdade de Oportunidades coa colaboración do Concello de Baiona, e a financiación do Fondo Social Europeo.

O barrio da Bouzavedra, en Salceda, completará a súa rede de saneamento

A vindeira semana comezarán as obras do proxecto de ampliación da rede de saneamento de Bouzavedra, na parroquia de San Xurxo, que lle vai permitir a 24 casas contar con este servizo esencial. O proxecto, en marcha xa dende a lexislatura pasada, sufriu un importante retraso por mor da COVID19, pero agora por fin se fai realidade.

O PP da Cañiza denuncia que o goberno local contratou as luces de Nadal de 2019 a unha empresa que acometeu a obra de forma supostamente ilegal

O Partido Popular denuncia que a empresa que instalou o ano pasado as luces de Nadal na Cañiza, Ximénez, foi sancionada pola Consellería de Industria por non contar co Certificado de Instalación correspondente, xa que se trataba de unha instalación ilegal.

Aberta a inscrición para as actividades na biblioteca Xela Arias de Chapela

Os vindeiros días procederase á realización de dúas actividades na biblioteca de Xela Arias en Chapela, Redondela. O primeiro obradoiro está dirixido a nenos e nenas de entre 8 e 12 anos de idade e o segundo é un espectáculo familiar para nenos/as de entre 5 e 10 anos.

A Policía Local e Protección Civil de Tomiño reciben formación especializada en violencia de xénero

Os integrantes da Policía Local e protección Civil de Tomiño asistiron durante dous días a un obradoiro de formación contra a violencia de xénero, organizado pola Oficina Municipal de Igualdade, co fin de proporcionar aos axentes destes colectivos as ferramentas teórico-prácticas para enfrontarse aos casos de violencia doméstica ou familiar que se produzan no municipio.

O Concello do Porriño manifesta o seu orgullo de que unha empresa local sexa a primeira de España en producir unha vacina contra a Covid-19

O Concello do Porriño manifesta “o seu orgullo de que unha empresa asentada neste termo municipal” sexa a primeira de España en producir unha vacina contra a Covid-19. Trátase de “Biofabri”, filial do grupo “Zendal” que foi elixida pola compañía norteamericana “Novavax” para realizar a produción da vacina para a Unión Europea, segundo o acordo anunciado.

A Biblioteca de Nigrán ofrece, dende este venres e ata o 8 de outubro, catro sesións de contacontos infantís no auditorio municipal

A Bilioteca Municipal de Nigrán ofrece desde este venres e ata o 8 de outubro catro sesións de contacontos infantís a través do programa de dinamización á lectura 'Ler conta Moito'. Por cuestións de seguridade sanitaria este ano terán lugar todos no Auditorio Municipal e será imprescindible a incrición previa na propia biblioteca, no correo nigran.rbgalicia@eidolocal.es ou no 986 383 979.

Abertas as inscricións para o ‘Trail do Trega’ 2020

O Trail do Trega, que se celebrará na Guarda o día 11 de outubro, nunha das probas máis importantes polo desafío que afrontarán os participantes nos 14 quilómetros de percorrido. As inscricións xa están abertas na web traildotrega.com a partir de hoxe e tamén para o roteiro de sendeirismo.

O Concello das Neves cumpre co seu compromiso de asumir as limpezas adicionais e desinfeccións dos centros de ensino

O Goberno Local, vai custear os gastos derivados das limpezas e desinfeccións necesarias para cumprir coas necesidades de seguridade actuais. O embolso, por un total de 3.970 € mensuais de gasto adicional ao que xa se vén facendo, inclúe actuacións no colexio, nas escolas unitarias, no Pavillón Municipal, e no Centro de Día.

A Plataforma en Defensa da Sanidade Pública da Guarda segue denunciando o deterioro “dun servizo público esencial para a cidadanía”

A Plataforma en Defensa da Sanidade Pública da Guarda vén de chamar a atención, unha vez máis, polas deficiencias que, dende hai meses padece o Centro de Saúde da Guarda que, dun cadro de persoal de 8 médicos e médicas, na actualidade "dispón soamente de catro e ás veces menos". A situación que asegura a plataforma, "nunca pode ser aceptable" transfórmase neste momento de pandemia do coronavirus "nunha auténtica irresponsabilidade por parte das autoridades sanitarias da Xunta de Galicia".

Esgotadas as prazas para a actividade deste domingo en Monçao, dentro do programa de ecoturismo “Vive o Río Minho”

Continúa a grande acollida das actividades ecoturísticas do programa ‘Vive o Rio Minho’ organizadas pola Deputación de Pontevedra para as fins de semana deste mes nos concellos galegos e portugueses da ‘raia’. Segundo explica o deputado de Cooperación Transfronteiriza Uxío Benítez, as 50 prazas para a actividade deste domingo día 20 esgotáronse en apenas 30 minutos desde que se habilitou a inscrición e, no caso das do sábado, xa está practicamente cuberto o cupo, con apenas as últimas vacantes.

Represas lembra que a caldeira de biomasa “substitúe a cinco de gasoil moi contaminantes”

O Alcalde Xosé Represas expresou o seu “respecto” cara as persoas que de boa fe se poden manifestar contra a caldeira de biomasa e animounas “a confiar nun goberno que ten no seu ADN a defensa do medioambiente, da calidade de vida e da saúde. A nosa traxectoria de décadas de compromiso e activismo ecoloxista é sobradamente coñecido en Ponteareas”, engadíu o rexedor local.

O Sergas ten activo un teléfono para facilitar a detección e seguimento de casos de persoas que non residan en Galicia

O Servizo Galego de Saúde mantén operativo un procedemento específico para a detección e seguimento de persoas procedentes doutras comunidades autónomas ou doutros países e non residentes en Galicia que estea na comunidade de vacacións ou de paso e que poidan presentar síntomas de coronavirus.

A ‘Asociación de veciños Ponteareas saudable’ convoca unha manifestación contra a caldeira de biomasa

A recen creada 'Asociación de veciños Ponteareas saudable' nacida, segundo os promotores "defender e xestionar" a solución dos problemas derivados da instalación dunha caldeira de biomasa na rúa Vidales Tomé, vén de convocar unha manifestación para o vindeiro venres, 18 de setembro, ás 20 horas dende a Praza Maior ata a Casa do Concello.

Nigrán avanza na seguridade das praias do próximo verán ao outorgar o certificado oficial de socorrismo a oito veciños e preparar un novo curso

O Concello de Nigrán avanza para garantir a seguridade nas praias do vindeiro verán ao outorgar o certificado oficial de socorrismo a 8 veciños que xa poderán exercer como tal ao dispor xa do certificado de profesionalidade requirido. Paralelamente, ultima unha nova edición coas mesmas características. Foi precisamente con este obxectivo de atallar coa dificultade de cada ano de obter titulados para traballar nos areais co que o Concello investíu 15.000 euros neste curso de 10 persoas (8 aprobadas) impartido por BIG Formación para ofrecelo de xeito gratuito, circunstancia que repetirá nos vindeiros meses.

Tomiño agradece cun sentido homenaxe a todas as persoas que colaboraron durante a pandemia

O Alivio celebrouse de forma diferente este ano. Co aforo limitado e todas as medidas de seguridade, a Praza do Seixo acolleu o sábado pasado o peche das festas co tradicional acto cívico e cun concerto da Agrupación Musical de Goián.

Colaboradores