I Forum Transfronterizo

«Vive Nigrán 2018» pecha un completo cartel

A segunda edición de Vive Nigrán, que se celebrará no antigo campo de fútbol de Lourido (Praia América) os próximos 20 e 21 de xullo, incorpora ao seu cartel o pop folk contemporáneo de Alondra Bentley, aos zaragozanos Calavera, a expresividade e frescura de Maryland, aos vigueses Inerttes (tras gañar o concurso de SonidosMans); e aos emerxentes Indian Hawk, Mireia Vilar e Odd Cherry Pie a través do programa da Deputación de Valencia «Sona la Dipu».

  • 0

«VII Torneo Dani da Rocha Prol», as promesas do xadrez cítanse en Nigrán

O Club de Xadrez Laroca, en colaboración co Concello de Nigrán, organiza un ano máis o «VII Torneo de Xadrez Dani da Rocha Prol», pertencente ao XIII Circuito Gallego de Ajedrez Promoción, e que terá lugar durante todo o sábado no Pavillón Municipal de Panxón. Centos de xóvenes xedrecistas participarán nesta competición na que o club nigranés rende homenaxe ao seu compañeiro Dani da Rocha, falecido en 2011. Como no ano anterior, pídese como custe da inscrición unha achega para o banco de alimentos municipal de Nigrán.

  • 0

O Fondo Galego de Cooperación supervisa sobre o terreo os proxectos financiados en Mozambique

O presidente do Fondo Galego de Cooperación e Solidariedade e alcalde de Nigrán, Juan González,estivo dende o pasado luns e ata hoxe xoves, 14 de xuño, en Mozambique onde, acompañado de persoal técnico, supervisou os proxectos que a entidade está apoiando na zona e establecer futuras liñas de colaboración. A delegación mantivo diversos encontros institucionais na capital antes de desprazarse ao distrito de Boane para coñecer de primeira man o traballo da Fundação Encontro, un dos principais socios da asociación de concellos e deputación no país lusófono que atende á poboación vulnerable.

  • 0

Nigrán constata a recuperación da potabilidade das fontes afectadas polos lumes

As novas análises das fontes de todo o municipio, encargadas polo Concello de Nigrán, revelan que "a maioría das situadas nas parroquias de Camos e Chandebrito xa son aptas para o consumo". Cómpre lembrar, que logo dos terribles incendios de outubro do 2017, que arrasaron a todalidade das dúas parroquias, o Concello que preside Juan González detectou que máis do 50% delas eran temporalmente non potables debido aos estragos do lume. Das 36 fontes analizadas nestas parroquias só 6 aínda non son actualmente aptas.

  • 0

O alumnado do CPI Cova Terreña participa nun singular pleno no Concello de Baiona

O salón de Plenos municipal acolleu, o martes 12 de xuño, un Pleno infantil no que participaron 45 alumnos do curso de cuarto de Primaria do «CPI Cova Terreña de Baiona». O alcalde, Ángel Rodal, e a concelleira de Educación, Beatriz González, daban a benvida ao alumnado ás dependencias municipais e explicáronlles o funcionamento dunha sesión plenaria. A continuación, nenos e nenas elixiron a un alumno como alcalde e a outros compañeiros como representantes da oposición para logo, cada un deles, elixir os membros do seu equipo.

  • 0

O CB Nigrán abre a inscrición para os tradicionais campus de Gondomar e Nigrán

O Club Baloncesto nigrán vén de abrir a inscrición para dúas das xa tradicionais actividades que o club desenvolve na época estival, os Campus de Baloncesto que se desenvolverán no Pavillón Municipal de Panxón e no Pavillón Municipal de Gondomar. O de Nigrán celebrarase do 9 ao 13 de xullo, mentres que o de Gondomar o fará entre o 30 de xullo e 3 de agosto. En ámbolos dous campus contarase coa presenza de adestradores/as nacionais de baloncesto e profesorado e monitores/as titulados.

  • 0
Suscribirse a este canal RSS