I Forum Transfronterizo

Acordo para potenciar o transporte público entre FaiBus e a alcaldesa do Porriño

Estender as liñas de bus ata os polígonos industriais do Porriño e estudar a posibilidade de crear «circuítos circulares» que comuniquen os diferentes concellos da zona sur entre sí, “tal e coma debería terse feito no Plan de Transporte Metropolitano da Xunta”, son dous dos moitos temas tratados nunha xuntanza entre a alcaldesa do Porriño, Eva García de la Torre e o director de FaiBus ─concesionaria do transporte entre Vigo e O Porriño─, José Manuel Álvarez.

Nigrán solicita á Xunta unha parada do ATSA á altura de Povisa

O Concello de Nigrán solicitou esta semana á Consellería de Medio Ambiente, Territorio e Infraestructuras a autorización para que ATSA, o servizo de autobuses públicos que une Nigrán e Vigo, poida realizar unha parada na Gran Vía á altura do Centro Médico e Hospital Povisa aproveitando a parada alí existente de Vitrasa e que a rúa Gran Vía atópase no seu itinerario. A petición responde a unha demanda reiterada dos veciños de Nigrán.

  • Publicado en Nigrán

A Guarda instala unha marquesiña de autobús na Gándara ante a "pasividade" da Xunta

O Concello da Guarda vén de instalar unha nova marquesiña de autobús, na que acubillarse da choiva e o frío, ou simplemente sentarse, mentres agardan o autobús na parada situada na estrada PO-552. O Concello guardés optou pola súa instalación con fondos propios, logo de que se lle viñera reclamando á Xunta de Galicia, titular da estrada, a reparación da antiga marquesiña dende o ano 2017. Agora, o Goberno local esixirá á Xunta o reintegro do custe desta instalación.

O BNG de Redondela considera "catastrófica" a posta en marcha da PassVigo

A posta en marcha do bono de transporte urbano de Vigo exclusivamente para quen estea empadroado na cidade, foi cualificado polo BNG de Redondela como unha medida "catastrófica" para centos de veciños e veciñas do municipio redondelán "que a diario empregan o transporte público para se desprazaren a ta os centros de traballo na urbe" e suporá, polo tanto, “un importante barapau nas economías familiares de miles de redondeláns e redondelás", asegurou o portavoz do BNG de Redondela, Xoán Carlos González.

O PSdeG-Redondela culpa ao Goberno local da eliminación da «tarxeta verde» de Vitrasa

O PSdeG-Redondela acusou ao Goberno local de “falta de xestión” logo de coñecerse que, a partir do vindeiro 1 de marzo, os veciños e veciñas de Chapela, non poderán utilizar as tarxetas verdes de Vitrasa ao implantar a Vigo un novo sistema de tarxeta que permitirá o acceso ao autobús urbano, amais doutros beneficios na cidade, pero só será accesible para as persoas empadroadas na cidade olívica.

O bus urbano de Mos cumpre un ano

O Bus Urbano de Mos, que comezou a operar o 24 de outubro de 2016, celebrará este primeiro ano con melloras no servizo, que foron anunciadas pola alcaldesa de Mos, Nidia Arévalo e pola concelleira de Mobilidade, Julia Loureiro. Entre as novidades, amais do incremento de frecuencias e liñas, está a de achegar á veciñanza ata a zona de compras en «As Angustias».

  • Publicado en Mos

A Policía Local de Mos controla as incidencias do Transporte Público de Galicia

A Policía Local de Mos, a instancias da alcaldesa Nidia Arévalo, leva unha semana controlando a prestación do serviazo do Transporte Público de Galicia e emitindo, diariamente, informes sobre o cumprimento dos horarios, as paradas e calquera outra incidencia que afecte ao servizo autonómico de transporte público.

  • Publicado en Mos
Suscribirse a este canal RSS