Teatro e festival folk o sábado 11 de agosto en Gargamala, Mondariz

A Asociación de Mulleres de Gargamala, no Concello de Mondariz, vén de organizar, para o sábado 11 de agosto, unha xornada na que o teatro e a música compartirán protagonismo. Así, primeiro e ás 22 horas, terá lugar a representación da obra «O Hotel», para deseguido dar comezo unha festa folk. Un bo xeito de pasar unha agradable noite de agosto.

Terror divertido para toda a familia na Praza Maior de Ponteareas

A Praza Maior de Ponteareas acolle, este sábado día 28 de xullo ás 21:30 horas, o espectáculo familiar «A casa do terror», de Xoán Curiel e a Banda Son+d2, dentro do programa Falaredes da Secretaría Xeral de Política Lingüística, coa colaboración da Concellería de Cultura e Normalización Lingüística do Concello de Ponteareas que dirixe Hortensia Bautista.

O grupo de teatro de adultos de Tomiño, estrea a súa primeira en Goián

O vindeiro domingo, 1 de xullo, ás 20:30 horas, o novo grupo de adultos da Escola Municipal de Teatro, estreará «A lenda da cabaleira negra» no Auditorio de Goián. Trátase dunha peza de teatro para todos os públicos que foi creada polos propios alumnos e alumnas, a partir dunha lenda artúrica. Esta é a primeira montaxe que realiza o grupo de persoas adultas, de recente creación, que conta cunha ducia de participantes na actualidade, homes e mulleres.

  • Publicado en Tomiño

Ponteareas prepárase para vivir o «I Festival Intenacional de Teatro de Rúa»

O Goberno de Ponteareas presentou o «I Festival Internacional de Teatro de Rúa» que se desenvolverá na vila do Tea entre o 4 e o 7 de xullo. O Festival arranca nos xardíns do Concello o día 4 coa actuación de Educa Teatro&The Turres coa obra «Os tres porquiños van de festa». Esta obra itinerante irá posteriormente á praza Bugallal para rematar na Praza da Perillana, onde actuará Kote Malabar co seu «Cirkote».

A Escola Municipal de Teatro consolídase coa creación dun grupo de adultos

A Escola Municipal de Teatro de Tomiño foi consolidando a súa labor, que comezou hai preto dunha década, e que este curso sumou aos grupos infantil e xuvenís, un de adultos. A experiencia resultou un grande acerto. Así o testemuña a decena de actores (4) e actrices (6), con idades comprendidas entre os 25 e os 70 anos. A «profe» encargada é Beatriz González Campos, actriz, presentadora, narradora e directora teatral.

  • Publicado en Tomiño

Odaiko Teatro achega ás Neves a adaptación do primeiro libro de María Victoria Moreno

O Auditorio Municipal de As Neves acollerá ás 19 horas do domingo 3 de xuño a terceira representación de «Mar adiante», das dez que Odaiko Teatro está a levar pola provincia no marco do Ano da Lingua da Deputación de Pontevedra. A obra, que está indicada para público familiar, baséase no primeiro libro de contos publicado por María Victoria Moreno, a autora homenaxeada este ano no Día das Letras Galegas, e combina representación escénica e musica.

«Limiar Teatro» leva a adaptación de «Anagnórise» á Cañiza

A Casa da Cultura da Cañiza acolle ás 16 horas do vindeiro luns a terceira representación de «Anagnórise», das dez que Limiar Teatro levará pola provincia no marco do Ano da Lingua da Deputación de Pontevedra. A obra, que está indicada para público maior de 14 anos, baséase nunha das obras máis coñecidas de María Victoria Moreno, a autora homenaxeada este ano no Día das Letras Galegas.

Suscribirse a este canal RSS