9.6 C
Pontevedra
Xoves, 28 de Marzo de 2024
Máis
    HomeÉ NoticiaSmartPeme arranca esta semana con seis novos obradoiros

    SmartPeme arranca esta semana con seis novos obradoiros

    A Deputación de Pontevedra, a través de SmartPeme, oferta esta próxima semana catro novas formacións impartidas de xeito online, enmarcadas na súa carteira de obradoiros. As accións tratarán temas como a importancia das copias de seguridade, gañar subscritores grazas a un lead magnet, aproveitamento do Tik Tok nas empresas e programación con Arduino.

    Este luns 7 de novembro, Manuel Freire, experto en Robótica, programación e impresión 3D, será o encargado de impartir o curso “Ciberseguridade, copias de seguridade”. O obxectivo deste obradoiro é dar a coñecer  a importancia de ter os datos nunha copia de seguridade para evitar situacións de perda ou roubo.

    O martes 8, a Licenciada en Publicidade e Relacións Públicas, Fátima Faílde, impartirá  o taller “Infoprofutos II: Deseña un lead magnet para aumentar os teus subscritores”. Explicará como aumentar os contactos a través dos chamados “lead magnet”, regalos ou incentivos fundamentais para o crecemento óptimo de calquera negocio. Tamén se afondará en como deseñalos e incluír un formulario de subscrición na web para facer medrar as listas.

    O mércores 9 de novembro, María Aller, postgraduada en Comunicación Corporativa, contará como sacarlle ó máximo partido a unha das redes sociais máis populares do momento: Tik Tok, que se converteu nunha ferramenta moi interesante para marcas e empresas. Todo este contido no obradoiro “Como usar Tik Tok na túa empresa”.

    Finalmente, o xoves 10, impartirase o taller “Programación con Arduino II. Teórico I”. Este curso forma parte dun itinerario que ten como obxectivo  de iniciarse e adquirir soltura cunha das linguaxes de programación máis populares actualmente como é Arduino, mediante talleres teóricos en liña e talleres prácticos para experimentar o aprendido. Esta formación componse de 5 talleres, 3 deles teóricos online e 2 prácticos presenciais de 4 horas. O curso será impartido, de novo, por Manuel Freire.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.