O PSOE de Ponteareas apoia á manifestación contra os recortes sanitarios

O PSdeG-PSOE de Ponteareas e a candidata socialista á alcaldía, Chus Garrote, veñen de anunciar o seu apoio, unha vez máis, á manifestación pola defensa da sanidade pública. A manifestación terá lugar o vindeiro 8 de febreiro ás 19:00 horas en Ponteareas e sairá desde a casa do Concello de Ponteareas. Para os socialistas de Ponteareas esta é unha nova oportunidade “para demostrarlle á Xunta de Galicia e a Feijóo o rexeitamento dos veciños e veciñas á política de recortes e ao desmantelamento da sanidade”.

Mondariz acolle, o sábado, unha charla do BNG sobre pediatría e atención primaria

Este sábado 2 de febreiro Mondariz acolle unha charla coloquio, organizada polo BNG, en defensa da atención primaria sanitaria e do servizo de pediatría na localidade. Neste acto, que se celebrará ás 20 horas na Biblioteca Municipal de Mondariz, trasladarase “unha visión ampla das consecuencias dos recortes en sanidade nos últimos tempos, que afectan gravemente á nosa localidade”, segundo indica o Bloque.

  • Publicado en Mondariz

O BNG organiza un acto informativo sobre a sanidade pública galega en Redondela

O BNG desenvolverá o vindeiro venres, 1 de febreiro ás 20 horas e na Casa da Cultura de Redondela, un acto público para abordar a situación de deterioro que está a sufrir a sanidade pública en Galicia e onde, sinalan os nacionalistas, "a Atención Primaria está a ser unha das principais damnificadas polas nefastas políticas de privatizacións e recortes do Partido Popular".

O Sergas asume os gastos de mantemento do Centro de Saúde da Guarda

O pasado martes día 15 de xaneiro de 2019 o Alcalde da Guarda, Antonio Lomba e a directora xeral de Recursos Económicos do Sergas, María Jesús Piñeiro Bello, asinaron o acordo para a asunción dos gastos do Centro de Saúde PAC da Guarda por parte da Consellería de Sanidade, unha vella reivindicación, trala cal o Concello da Guarda cede a titularidade do Centro de Saúde a Sanidade.

  • Publicado en A Guarda

Eva García cualifica de "acto de deslealdade" a visita do conselleiro de Sanidade

A alcaldesa do Porriño, Eva García de la Torre, vén de cualficiar de “acto de deslealde institucional” e “falla de respecto as porriñesas e porriñeses”, o feito de que o conselleiro de Sanidade, Jesús Vázquez Almuíña, visitase este venres o Centro de Saúde da vila e, “nin invitase nin tan sequera o comunicase á alcaldesa e ao Goberno municipal”.

O Monte Real Club de Iates, un porto sen fume

O Monte Real Club de Iates é oficialmente, desde este venres, un porto sen fume. Esta mañá, o conselleiro de Sanidade da Xunta de Galicia, Jesús Vázquez Almuíña, fíxolle entrega ao presidente da entidade, José Luis Álvarez, dun diploma que recoñece a participación do Monte Real na 'Rede Galega de Portos sen Fume'. 

  • Publicado en Baiona

O PSOE alerta da privatización da sanidade en Ponteareas

A secretaria xeral do Partido Socialista de Ponteareas, Chus Garrote, vén de alertar sobre a "progresiva privatización da sanidade pública mediante desmantelamento do PAC de Ponteareas". Garrote afirma que “o que se está producindo en Ponteareas é no Centro de Saúde é moi grave. O Partido Popular está recortando no máis básico e esencial, en persoal profesional e en material técnico médico, o que leva que o servizo sexa cada vez máis precario".

O persoal sanitario do Porriño transmite ao BNG a "precariedade" na que traballa

O pasado 29 de novembro, membros do BNG reuníronse cunha representación dos traballadores do PAC do Porriño. No encontro o persoal sanitario transmitiulle aos nacionalistas a "grave situación" que atravesa o Centro de Saúde con importantes carencias "tanto de efectivos humanos como técnicos e materiais", unhas deficiencias, sinala o BNG porriñés, que afectan negativamente á asistencia médica, nunha zona cunha poboación crecente.

Suscribirse a este canal RSS