Novo reparto de compost en Salceda de Caselas

O parque Raíña Aragonta de Salceda de Caselas acolleu este martes 18 de setembro, un novo reparto de compost que tivo lugar nunha carpa que se instalará para este fin. Veciñas e veciños achegáronse entre as 16:30 h e as 19:30 horas para recoller o compost que se está a producir nos catro centros de compostaxe comunitario que hai instalados no concello.

O PSOE de Salceda denuncia o "caos" no inicio do curso escolar

O Grupo Municipal Socialista de Salceda cualificou de "caótica" a primeira xornada do curso provocada, segundo as concelleiras do PSOE, "polas obras dos colexios CRA Raíña Aragonta e CEP Altamira". Lamentan que o Concello deixase as obras de mellora e asfaltado do camiño da sede do CRA Raíña Aragonta para o comezo do curso, "cando tiveron case tres meses de verán para facelo". "Nais, pais e rapazada atopáronse as máquinas de asfaltado e obreiros pintando as instalacións do CRA no primeiro día de curso", afirman dende o PSOE.

Música e gastronomía danse a man na VI Ruta Pincho Folk de Salceda

Tralo enorme éxito acadado os anos anteriores, as Concelleiras de Comercio e Cultura do Concello de Salceda, Loli Castiñeira e Tere Pérez, acompañadas dunha representación dos hosteleiros e hosteleiras da vila, veñen de presentar a VI Ruta Pincho Folk, que se vai celebrar durante os venres e sábados do 7 ao 29 de setembro (ambos incluídos). Un total de 15 establecementos van participar na ruta, repartidos en duas rutas: venres e sábados. Nos locais serviranse pinchos ao prezo de 1 € en horario de 20:00 a 23:59.

O PSOE de Salceda pide "transparencia na xestión" e acceso á información

As concelleiras do grupo municipal socialista de Salceda de Caselas, Verónica Tourón e Gela Ledo, presentaron unha iniciativa o Pleno da Corporación para instar ao alcalde á que lles dea "acceso á información solicitada en tempo e forma". A voceira socialista, Verónica Tourón, afirma que “en moitos casos temos que esperar pola documentación solicitada máis de catro meses, ó igual que para poder consultar o rexistro, e iso non é de recibo”

Todo preparado para a vixésimo sexta edición da «Festa dos Callos de Salceda»

A Praza do Concello de Salceda de Caselas acolleu, ao mediodía de hoxe, o acto de presentación da vixésimo sexta edición da Festa dos Callos, unha das celebracións «grandes» do municipio que se desenvolverá o domingo 2 de setembro, aínda que como ben se deixou patente esta mañá, o programa paralelo de actos dará comezo xa o sábado 1 para, en palabras da alcaldesa accidental, Loli Castiñeira, “non é a festa dun día, senón que fomos quen de transformala na festa de toda unha fin de semana”.

A Xunta supervisa a ampliación do CEP Altamira de Salceda de Caselas

O delegado da Xunta en Vigo, Ignacio López-Chaves, achegouse hoxe ata o CEP Altamira na localidade pontevedresa de Salceda de Caselas para, acompañado pola alcaldesa accidental, Loli Castiñeira e a concelleira de Ensino, Tere Pérez, comprobar o estado das obras de ampliación que a Consellería de Cultura, Educación e Ordenación Universitaria está a acometer neste centro escolar.

O Pavillón Municipal de Salceda contará con ascensor para a zona das gradas


O Concello de Salceda ven de dar comezo á obra de instalación dun elevador no Pavillón Municipal de Deportes, que solucionará os problemas de accesibilidade á zona reservada para o público que existían ata o de agora. Os traballos, segundo a alcaldesa accidental, Loli Castiñeira, “son un pasiño máis no obxectivo de conseguir a accesibilidade universal nas instalación e espazos públicos". Nese sentido Castiñeira lembraba que "a eliminación de barreiras arquitectónicas sempre foi unha das prioridades deste Goberno".

Salceda presenta o proxecto de humanización da Avenida de Galicia

O Equipo de Goberno do Concello de Salceda ven de facer público o proxecto de humanización da Avenida de Galicia, entre o enlace da PO-510 e a intersección coa PO-2505 xunto ao Parque da Gándara, incluíndo a mellora da conexión do vial co mencionado parque e, polo tanto, coas piscinas municipais, un proxecto que segundo o alcalde Marcos Besada “forma parte do gran proxecto de humanización e posta en valor dos espazos públicos na vila da Esfarrapada”.

Suscribirse a este canal RSS