Carmela Silva en Salceda: "As mulleres estamos fartas de minutos de silencio"

O nome de Laura Luelmo, a moza asasinada en El Campillo, foi esta mañá protagonista en Salceda de Caselas na intervención da presidenta da Deputación, Carmela Silva, que fixo unha rotunda apelación contra as violencias sobre as mulleres e un berro de profunda carraxe contra o machismo, antes da acción artística de 'Mulleres en acción. Violencia Zero'. Silva confesou que “hoxe estou enfadada, indignada, cabreada, farta, ata as narices do machismo".

O PP de Salceda converterá O Borralliño "nun gran complexo lúdico-deportivo"

O portavoz do PP en Salceda de Caselas, Santiago Rodríguez Davila, deu a coñecer hoxe a intención de converter O Borralliño, nun "gran complexo lúdico deportivo" de cara a atender a demanda que, segundo concelleiro popular, ten Salceda en materia de instalacións deportivas. Rodríguez Davila comprometeuse cos veciños e veciñas a dotar de céspede artificial de última xeración o antedito campo da parroquia de Soutelo.

Salceda 'ficha' a Laura Seara para elaborar o seu II Plan de Igualdade

O Concello de Salceda de Caselas ven de iniciar a elaboración do 'II Plan Municipal para a Igualdade Efectiva de Mulleres e Homes 2018-2021' cuxa redacción correrá a cargo de Laura Seara, quen foi directora do Instituto da Muller e Secretaria de Estado de Igualdade, ademáis de deputada do Parlamento Galego durante os anos de 2001 a 2009, polo que se parte con un amplo coñecemento sobre a materia que sen dúbida é garante dos mellores resultados.

Máis de 1.500 árbores para reforestar as zonas queimadas en Salceda

A Estación Experimental Agrícola do Baixo Miño, ubicada na parroquia de Entenza en Salceda de Caselas, ven de realizar unha donación de árbores ás comunidades de montes de Santa María, Picoña, San Xurxo, Parderrubias e Santo Estevo de Budiño, parroquias todas elas gravemente afectadas pola vaga de lumes de outubro do 2017.

Salceda mellora o vial Laxe–Pazo

O Concello de Salceda de Caselas ven de dar comezo ás obras de mellora do camiño Laxe–Pazo. O vial, que une os barrios de Laxe, na Parroquia de San Xurxo, e Pazo, na parroquia de Picoña, ten unha lonxitude de 400 metros, e actualmente contaba con un firme en moi mal estado. O proxecto suporá o asfaltado do vial, cun pequeño ensanche que sen dúbida contribuirá á mellora da seguridade no mesmo, tanto para os vehículos como para os peóns.

Movemento Salceda na candidatura de Luis Villares ao Consello das Mareas

«Coidando a casa», a lista encabezada por Luis Villares para as eleccións ao novo Consello das Mareas que se celebrarán esta fin de semana, realizará un acto público mañá venres ás 21:00 horas no hotel Alfonso I de Guillarei en Tui. O acto contará coas intervencións de Xoán Lois Vila, portavoz de Movemento Oia; Laureano Alonso, Portavoz de Son de Tui e Marcos Besada, alcalde de Salceda (Movemento Salceda).

Losada e Tourón esíxenlle á Xunta "que deixe de facer en Salceda parches electoralistas"

O deputado no Parlamento Galego Abel Losada achegouse esta semana a Salceda para visitar os lugares que foron obxecto de emendas socialistas aos orzamentos da Xunta de Galicia. O deputado, acompañado pola portavoz socialista de Salceda, Verónica Tourón, a tamén concelleira Gela Ledo e membros da agrupación socialista, visitou o CEP Altamira e os colectores que albergan dende o inicio do curso o comedor escolar.

Salceda convertirá a antiga escola de Vendanova nun centro terapéutico para maiores

O Concello de Salceda ven de solicitar a través do Plan Concellos da Deputación de Pontevedra a financiación para a realización da primeira fase da rehabilitación da antiga escola de Vendanova para albergar un centro de estimulación terapéutica para persoas con alzheimer e outras demencias neurodexenerativas. Nesta primeira fase compréndese a xustificación das obras de consolidación estrutural, contemplándose os traballos de demolición, estrutura, cuberta, carpintería exterior e conexións de saneamento e auga.

Suscribirse a este canal RSS