O PSdeG-PSOE de Ponteareas cualifica de "histórico" o compromiso de Fomento

Logo do anuncio do Ministerio de Fomento de facerse cargo da redacción e execución das obras da circunvalación de Ponteareas, o PSOE ponteareá amosou a súa satisfacción ao mesmo tempo que a súa portavoz e tenente de alcalde do Concello de Ponteareas, Chus Garrote, adiantaba que o Ministerio "xa ten o anteproxecto, o que permitirá comezar coa redacción do mesmo e execución desta nova estrada o antes posible".

Digna Rivas advirte sobre a "desprotección" de Redondela en materia de Emerxencias

A candidata á alcaldía de Redondela polo PSdeG-PSOE, Digna Rivas, chamou a atención sobre o que cualifica de “grave irresponsabilidade” do goberno de Javier Bas en materia de Emerxencias ao estar, nestes momentos, o servizo sen persoal algún. Segundo a concelleira socialista, das tres persoas con que contaba o Servizo de Emerxencia de Redondela, dúas xa non figuran no mesmo ao gañar praza en Vigo, e a outra persoa atópase de baixa por enfermidade.

Chus Garrote denuncia que Feijóo foi a Ponteareas a “vender máis recortes en sanidade”

"Nin un só compromiso para restituír os dous pediatras suprimidos pola Xunta de Galicia en Mondariz, Mondariz Balneario e Covelo". Esta é a denuncia dos socialistas de Ponteareas tras analizar o paso de Feijóo pola capital da comarca do Condado. “Feijóo viu a Ponteareas a confirmar que seguirán os recortes na nosa sanidade. Un pediatra máis en condicións laborais precarias é insuficiente para os máis de 4.000 nenos e nenas de 0 a 14 anos que se atenden agora mesmo no Centro de Saúde de Ponteareas, 900 deles derivados de Mondariz, Mondariz Balneario e Covelo” denuncia Chus Garrote.

Digna Rivas prosegue coas reunións con colectivos das parroquias de Redondela

Coñecer de primeira man as necesidades das parroquias de Redondela é o obxectivo das visitas que vén realizando nas últimas semanas a candidata socialista á alcaldía de Redondela, Digna Rivas. Trátase, sinalou Rivas, “de comprobar sobre o terreo as necesidades que teñen as veciñas e veciños, de cara a poder establecer no seu momento, liñas de actuación reais que contribúan a mellorar a súa calidade de vida”.

Sistema de saneamento "desatendido durante décadas" motivo das obras da Avenida de Galicia

O PSOE de Ponteareas acusou onte á portavoz e candidata do PP, Belén Villar, de "crear unha confusión premeditada e electoralista" entre os veciños de Ponteareas a conta da última obra de mellora no sistema de saneamento, concretamente no entronque da Avenida de Galicia coa Rúa Rogelio Groba. A obra, segundo os socialistas ponteareáns, responde á renovación da rede de saneamento "desatendido durante décadas" polos gobernos do PP.

O PSOE de Ponteareas apoia á manifestación contra os recortes sanitarios

O PSdeG-PSOE de Ponteareas e a candidata socialista á alcaldía, Chus Garrote, veñen de anunciar o seu apoio, unha vez máis, á manifestación pola defensa da sanidade pública. A manifestación terá lugar o vindeiro 8 de febreiro ás 19:00 horas en Ponteareas e sairá desde a casa do Concello de Ponteareas. Para os socialistas de Ponteareas esta é unha nova oportunidade “para demostrarlle á Xunta de Galicia e a Feijóo o rexeitamento dos veciños e veciñas á política de recortes e ao desmantelamento da sanidade”.

Suscribirse a este canal RSS