O PSOE de Redondela denuncia "falta de información e transparencia" nos trámites do PXOM

Os socialistas de Redondela veñen de denunciar "falta de información e transparencia" no tramitación do PXOM. O PSOE redondelán asegura que ten solicitado por rexistro e nas xuntas de voceiros e comisións de Urbanismo que se lle proporcione "información relativa á redacción do PXOM, e máis tralo retraso acaecido polo cambio da Lei do Solo". Porén, afirman os socialistas, o Goberno local "non proporciona dita información e nega xuntanzas co equipo redactor".

PP e PSOE de Salceda critican que o Pleno non debatera as súas niciativas

O Partido Popular de Salceda e o PSOE de Salceda de Caselas veñen de facer constar, en senllas notas de prensa, o seu malestar polo que cualificaron de “actitude dictatorial” do alcalde ao deixar sen debater “moitas propostas que daban voz ás necesidades que os veciños e veciñas nos veñen trasladando” sinala o portavoz popular, Santiago Rodríguez Davila.

O PSOE de Redondela denuncia falta de mantemento dos apeadoiros do municipio

Os socialistas de Redondela veñen de facerse eco "das queixas veciñais" sobre o mal estado en que se atopan os apeadoiros de Cesantes e A Picota, nos que poden observarse pintadas, papeleiras rotas ou "incluso no apeadoiro da Picota, a marquesina ten un dos laterais rotos e carece de iluminación", o que supón, sinalan, un grave prexuízo "á veciñanza que os utiliza acotío para desprazarse ata Vigo, Pontevedra ou Santiago de Compostela sobre todo no período universitario".

Parlamentarios do PSdG-PSOE reúnense en Ponteareas coa Asociación Forestal de Galicia

A Asociación Forestal de Galicia continuou, este pasado sábado, coa iniciativa de invitar aos parlamentarios galegos, de todos os grupos con representación na cámara, a visitar os montes comunais do sur de Pontevedra, de cara a que coñezan situación real dos montes. O sábado 29 de xullo, era a quenda do PSdeG-PSOE, visita na que participaron os parlamentarios autonómicos José Antonio Quiroga e Abel Losada, e a tenente de alcalde do Concello de Ponteareas, Chus Garrote (PSdG-PSOE) e membros das asociacións de montes de Arnoso, Ribadetea, Mos, Atios, e Couso.

O BNG das Neves resta importancia ao apoio do PSOE ao PP no Pleno

O BNG das Neves, a través do seu responsábel local Óscar González, restou importancia á decisión do PSOE de apoiar a pasada semana no pleno ao Partido Popular fronte ao Goberno presidido polo nacionalista Xosé Manuel Rodríguez Méndez. Os socialistas deron o seu voto a unha moción do PP opoñéndose a un novo logotipo do Concello. O feito, que podería pasar sen máis, chama a atención ao ser o PSOE socio do Goberno do BNG, polo que, en todo caso, sorprende o feito de que antes de chegar ao Pleno non se tivera acadado un acordo entre os dous socios de Goberno nun «tema menor» como é a imaxe institucional do Concello.

A situación do Centro de Saúde do Porriño chega ao Parlamento de Galicia

Os deputados do PSdeG-PSOE no Parlamento de Galicia, Abel Losada, Julio Torrado Quintela e Noela Blanco Rodríguez, veñen de impulsar dous iniciativas relacionadas coa situación do Centro de Saúde do Porriño e as súas condicións e piden ao Parlamento a que inste ao Goberno de Galicia a que presente, “no prazo de tres meses un plan específico para acadar unha solución aos problemas que presentan o Centro de Saúde e a UAD (Unidade Asistencial de Drogodependencias) do Porriño”.

O PSOE de Redondela denuncia atrasos nas citas de Servizos Sociais en Chapela

O PSdG-Redondela, a través da súa concelleira Digna Rivas, vén de denunciar os atrasos nas citas de Servizos Sociais en Chapela provocadas pola falta de persoal. Este feito, sinala Rivas, "ocasiona atrasos de ata tres meses nas citas de servizos sociais e de bastante máis tempo na tramitación de axudas de emerxencia social".

Suscribirse a este canal RSS