Ponteareas acolle a presentación das candidaturas do PP do Condado

O Auditorio Reveriano Soutullo de Pontareas acollerá, o sábado 16 de febreiro ás 13 horas, o acto de presentación das candidaturas ás alcaldías de Ponteareas, Belén Villar; Salvaterra de Miño, Marta Valcárcel; Mondariz, Ana Corredoira; Mondariz Balneario, José Antonio Lorenzo e As Neves, Emilio Castro, nun acto que contará coa presenza do presidente do PP, Alberto Núñez Feijóo e o presidente dos populares pontevedreses, Alfonso Rueda.

O PP de Ponteareas reclama unha modificación orzamentaria destinada destinada a Centros Culturais

O Grupo Municipal do PP de Ponteareas presentou unha moción, para ser tratada no próximo pleno extraordinario que se celebrará o 18 de febreiro ás 20:00 horas, co obxectivo de que o Concello invista en centros culturais de diferentes parroquias. O escrito dos populares insta ao alcalde e ao seu Goberno municipal "a facer modificacións orzamentarias de diversas cantidades. Unha de 150.000 euros para o inicio da rehabilitación da casa adquirida cun préstamo a oito anos da Xunta na parroquia de Pías".

Belén Villar pedirá ao Pleno da Deputación apoio "ás reivindicacións da plataforma da N-120"

A candidata do Partido Popular á alcaldía de Ponteareas e deputada provincial, Belén Villar, asegurou hoxe que o PP "esgotará todos os mecanismos posibles para evitar o recorte do Goberno estatal" que, no borrador dos Orzamentos do Estado para este exercicio 2019, decidiu facer desaparecer a Variante-Circunvalación de Ponteareas e reducir o investimento para a mellora da seguridade da N-120.

O PSOE de Ponteareas apoia á manifestación contra os recortes sanitarios

O PSdeG-PSOE de Ponteareas e a candidata socialista á alcaldía, Chus Garrote, veñen de anunciar o seu apoio, unha vez máis, á manifestación pola defensa da sanidade pública. A manifestación terá lugar o vindeiro 8 de febreiro ás 19:00 horas en Ponteareas e sairá desde a casa do Concello de Ponteareas. Para os socialistas de Ponteareas esta é unha nova oportunidade “para demostrarlle á Xunta de Galicia e a Feijóo o rexeitamento dos veciños e veciñas á política de recortes e ao desmantelamento da sanidade”.

O PP de Salceda afirma que o Goberno local "sobrevive" con contas "ficticias"

O PP de Salceda de Caselas acusou ao Goberno local de Salceda de "deixamento" na xestión económica e asegurou que "sobrevive" cuns orzamentos prorrogados dende 2016 desatendendo "os requirimentos do Consello de Contas para que renda contas do exercicio 2017". O feito de non presentar as contas municipais no prazo permitido polo Consello impide, segundo o portavoz popular Santiago Rodríguez Davila, que o Concello poida acceder ás liñas de subvención da Xunta de Galicia.

O PP ponteareán asegura que "non existe partida orzamentaria" para a ampliación da EDAR

O Grupo Municipal do PP vén de anunciar a presentación dunha moción urxente para que o Goberno local inclúa unha partida económica, "co 20% do financiamento comprometido, necesaria para abordar a ampliación e finalización da EDAR en Ponteareas". Segundo os populares, "están moi ben os anuncios en prensa pero o certo é que nos orzamentos locais do 2018, prorrogados para este 2019, non hai un só euro para a depuradora".

O PP denuncia verteduras de fecais en lugares "próximos" á obra do Paseo Matutino

O PP de Ponteareas vén de denunciar vertidos de augas fecais en lugares "próximos" ao recentemente reformado paseo matutino, unha obra financiada pola Deputación de Pontevedra, que xa en 2015 e antes do cambio de Goberno deixou consignada unha partida de preto de 200.000 euros. Preocúpalle ao PP que as verteduras sexan ocasionadas "por algunha tubaxe que quedou mal colocada" xa que nese caso, "habería que reabrir a rúa co prexuízo que ocasionaría a comerciantes e hostaleiros".

O PP de Tui avoga polo consenso na rehabilitación do Teatro Principal

O Partido Popular de Tui vén de sinalar que a rehabilitación do Teatro Principal da cidade fronteiriza esixe "un acordo plenario que teña o apoio unánime do tódolos grupos municipais co fin de poñer en valor este símbolo da cultura tudense e desterrar a actual imaxe do edificio na paisaxe do noso Conxunto Histórico". A adquisición do Teatro Principal por parte do Concello de Tui mediante acordo unánime do pleno da corporación municipal á Fundación Teatro Principal, "implica que este inmoble pasa a ser de titularidade municipal e polo tanto unha responsabilidade de todos".

  • Publicado en Tui
Suscribirse a este canal RSS