A FANPO convoca unha manifestación en defensa do ensino no rural

As nais e pais da escola unitaria de San Mateo, pertencente ao CRA (Centro Rural Agrupado) «A Picaraña», e a FANPO veñen de convocar unha manifestación en defensa do ensino no rural, para o vindeiro venres día 21 ás 20 horas dende a Praza Bugallal. Ademais, instan a todas as familias a que, como mostra de protesta e apoio ao ensino no rural, non leven aos seus fillos e fillas de infantil e primaria aos colexios.

Máis de 400 deportistas lembran a Josiño no «Gran Premio Festas de Setembro»

O domingo, Ponteareas acolleu a disputa do Gran Premio Festas de Setembro, Memorial Josiño, organizada polo Club Ciclista Ponteareas e no que o deporte e a reivindicación dábanse a man. Máis de 400 participantes, lembraron a Josiño, neno do C.C. Ponteareas a que un vehículo arrebatáballe a vida durante un adestramento. Eses mesmos participantes reivindicaban máis seguridade nas estradas e o respecto ao famoso 1,5 m, considerada como a distancia mínima de seguridade para adiantar a ciclistas en estrada.

A Banda de Xinzo pon música aos «Premios Agader 2018»

A cidade da Cultura de Santiago de Compostela foi escenario o pasado 14 de setembro, da entrega dos premios AGADER 2018, acto que serviu como recoñecemento á iniciativa pioneira da Banda de Xinzo de constituír a súa propia Fundación para potenciar o seu patrimonio cultural e musical. Fundación que foi declarada de Interese Galego pola Xunta de Galicia o pasado mes de maio.

Arrancan as obras de renovación do Paseo Matutino

O alcalde de Ponteareas, Xosé Represas, e a tenente de alcalde e Concelleira de Vías e Obras, Chus Garrote, visitaron hoxe as obras de remodelación do Paseo Matutino que contan cun prazo de mes e medio de execución a partir do pasado mércores 12 de setembro, día no que se asinou a acta de replanteo. Tanto o aclalde como a tenente de alcalde, agardan que estas obras "ocasionen as menores molestias posibles".

Ribadetea mobilízase polo saneamento

A Plataforma polo Saneamento de Ribadetea, convocou ós veciños desta parroquia a unha reunión, para dar conta das xestións realizadas durante os últimos meses. A xuntanza tivo lugar onte domingo, 16 de setembro, no Centro Cultural e a veciñanza secundou o chamamento, asistinto á reunión de xeito masivo. Houbounanimidade na necesidade de dotar á parroquia desta infraestrutura básica, así como no apoio ó traballo que ven desenvolvendo a plataforma.

Ponteareas redescubre un petroglifo esquecido dende hai 80 anos

A Concellería de Cultura do Concello de Ponteareas, que xestiona Hortensia Bautista, solicitará a Patrimonio a catalogación dun petroglifo atopado no castro de Troña entre o ano 1932 e o 1934 polo investigador Xurxo Lorenzo. Tras oitenta e un anos no esquecemento, o estudoso Xoan Carnero «Perico» en colaboración coa concellería de Cultura localizou e redescubriu este petroglifo serpentiforme disposto horizontalmente nunha rocha do Castro de Troña.

Ponteareas investirá máis de 250.000 euros en formación

O goberno de Ponteareas vén de acadar unha subvención da Xunta de Galicia por valor de 253.865,43 € para pór en marcha un plan de formación que facilitará a inserción e reinserción laboral das persoas traballadoras desempregadas naqueles empregos que máis require o sistema produtivo. Esta iniciativa da área de Emprego que dirixe o alcalde Xosé Represas, súmase ás accións de fomento da creación de emprego realizadas nestes anos polo actual Goberno de Ponteareas como os obradoiros de emprego ou as axudas destinadas a estabilización de contratos e creación de emprego.

Suscribirse a este canal RSS