Tomiño celebra o día 23 o seu primeiro mercado creativo de Nadal

O Concello de Tomiño organiza o domingo 23 de decembro, en colaboración cos praceiros e praceiras do mercado municipal, o seu primeiro «Mercado Creativo de Nadal». Será na Praza do Seixo, entre as 11 h e as 21 horas. Neste mercado haberá postos de artesanía, ilustración, moda, arte, decoración e complementos, distribuídos nos soportais e arredores do mercado e na praza, diante do Concello.

  • Publicado en Tomiño

Inscricións para os Paxes da Cabalgata de Reis este sábado na Guarda

O Concello da Guarda pon en coñecemento de todos os interesados e interesadas que este sábado, día 15 de decembro, terá lugar a inscrición dos nenos e nenas que desexen participar na Cabalgata de Reis 2019 na Guarda. Para formalizar a inscrición terán que acudir ao Centro Cultural a partires das 10 horas. As nenas e nenos que non acudan acompañadas dos seus proxenitores, deberán enviar a outra persoa coa autorización debidamente asinada, que se pode descargar nesta ligazón, autorizando á persoa que os acompañe.

  • Publicado en A Guarda

Aberta a inscrición para os Obradoiros de Nadal na Guarda

Dende este luns día 10 de decembro está aberto o prazo de inscricións para os Obradoiros de Nadal para nenos e nenas «Decora o teu Concello» e «Decora a túa casa». Os días 26 de decembro e 2 de xaneiro os rapaces da Guarda teñen a oportunidade de realizar un obradoiro de manualidades dentro do programa «Decora o teu Nadal».

  • Publicado en A Guarda

O PP asegura cancelar o acendido do alumeado do Nadal "castiga ao comercio"

O PP de Ponteareas, asegurou que a cancelación "por segunda vez" da inauguración do Alumeado do Nadal, prexudica ao comercio local. Os populares aseguran que comerciantes chamáronos "moi enfadados" porque, din, "xecutáronse as obras nas rúas en plena época do Nadal e aínda por encima non se aposta por decorar as zonas para convidar a que a xente consuma. A iluminación cancelouse por segunda vez, así nolo informaron varios establecementos do centro”.

Nigrán celebra este sábado o tradicional Concerto de Nadal

O Concello de Nigrán ofrece, este sábado ás 19:00 horas no Auditorio Municipal, o tradicional «Concerto de Navidad» coa presenza das tres corais do municipio: Os Vagalumes da AVCD O Castro de Chandebrito; a Coral Novos Aires de Nigrán e o Coro Ecos do Castelo de Bolos da Carrasca. Como cada ano, o Concello realizará unha recollida solidaria de alimentos non perecedeiros entre os asistentes.

  • Publicado en Nigrán

Pista de xeo ecolóxica, principal novidade do Nadal Solidario de Tui

Un treito do Paseo da Corredoira de Tui transformarase nun espazo de lecer para a familia que terá coma principal atractivo unha pista de xeo ecolóxico. Será unha das novidades do Nadal Solidario que esta mañá foi presentado na Casa do Concello tudense polo alcalde Carlos Vázquez Padín ao que acompañaba o concelleiro de Cultura, Eduardo Freiría; a concelleira de Educación, Mila González; o presidente e directivo de ACITUI, Juan Carlos Blanco e Manuel Santos, e Pablo Domínguez da Asociación de Afectados de Paramos e Guillarei.

  • Publicado en Tui

A Guarda vístese de Nadal

O Nadal chegou este mércores á Guarda e nin a choiva fon quen de impedir que veciños e veciñas déranse cita na Praza do Reló para asistir ao sempre atractivo —máis se cadra para os máis pequenos— acendido do alumeado do Nadal. As luces anunciaban ademáis, o inicio dunha programación de actividades extensa e variada na que destacan o teatro, a animación musical polas rúas, os concertos de panxoliñas, os obradoiros de decoración, as chocolatadas, a instalación por primeira vez na vila dunha pista de xeo, ou a Cabalgata de Reis.

  • Publicado en A Guarda
Suscribirse a este canal RSS