Arrancan as obras do novo Parque da Auga da Pesqueira en Mos

A alcaldesa de Mos, Nidia Arévalo, vén de dar conta do "inminente inicio" das obras do Parque da Auga da Pesqueira, xunto ao paseo do Louro ao seu paso pola parroquia de Mos, obra na que se investirán un total de 180.000 euros e que constituirá unha nova área de lecer para a veciñanza con zonas de descanso, xogo e deporte para nenos e adultos, nun lugar moi transitado por veciñas e veciños ao estar a carón do paseo do Louro.

  • Publicado en Mos

A Asociación de Maiores de Mos organiza unha viaxe a Portugal

A Asociación de Maiores, Pensionistas e Xubilados de Mos, «Asomamos», vén de dar conta da organización dunha exursión Portugal que, entre os días 22 e 23 de setembro, levará aos e ás participantes a Fátima, Óbidos e Xardíns do Buda. O prezo da viaxe por persoa é de 110 euros e xa se atopa aberto o prazo de inscrición. Os interesados en facer a reserva da súa praza poden contactar cos seguintes números de teléfono 986 33 41 67 ou 696 19 51 01.

  • Publicado en Mos

Mos mellorará a seguridade viaria no Camiño Cerdedelo en Torroso

A Xunta de Goberno Local do Concello de Mos aprobou, na súa sesión desta mañá, poñer a disposición da Dirección Xeral de Desenvolvemento Rural, libres de cargas e gravames, todos os terreos necesarios para a execución das obras de mellora da seguridade viaria no Camiño Cerdedelo, na parroquia mosense de Torroso, así como os correspondentes permisos e autorizacións legalmente esixidos para levar a cabo esta obra que será financiada pola Consellería do Medio Rural dentro do Plan de Infraestruturas Rurais 2018.

  • Publicado en Mos

Anxo Moure e Silvia Penide en «Vive o Camiño en Mos»

O Pazo de Mos acollerá, este venres a partir das 20 horas, as actuacións de Anxo Moure e Silvia Penide dentro do programa «Vive o Camiño en Mos» desenvolvido ao abeiro do seu homónimo promovido pola Xunta de Galicia «Vive o Camiño 2018». O espectáculo, de entrada totalmente gratuíta, aúna a actuación dun extraordinario contador de historias, como Anxo Moure, cunha destacada cantautora galega como é Silvia Penide.

  • Publicado en Mos

A contorna do Pazo de Mos acolle o seu cuarto festival intercéltico

O Pazo de Mos acolleu, na tarde de hoxe, a presentación do que será o «IV Festival Intercéltico O Son do Pazo» que, para esta nova edición, contará con grandes grupos do mundo folk. Búscase e o certo é que camiña nese sentido con paso firme, en converterse nun referente da música galega na zona sur de Galicia e norte de Portugal. A cita será o 31 de agosto e 1 de setembro e está organizada polo Círculo Cultural e Deportivo Santa Eulalia de Mos, con sede, precisamente, no Pazo de Mos.

  • Publicado en Mos

O Consorcio do Louro prestará servizo de baleirado de fosas sépticas domésticas

O Comité Directivo do Consorcio de Augas do Louro, na súa reunión do pasado luns día 30 de xullo, acordou prestar os servizos de baleirado de fosas sépticas, transporte e xestión dos lodos na depuradora de Guillarei. A iniciativa xurde da necesidade de dar unha alternativa real e viable a aquelas vivendas que, a día de hoxe, non teñen posibilidade de conectar polo de agora ás redes de saneamento. Deste xeito, os catro concellos ─Mos, O Porriño, Salceda de Caselas e Tui─ dan resposta ás demandas dos veciños e veciñas.

Os deportistas mosenses seguen a colleitar medallas

A piscina ao aire libre de San Eleuteiro, na parroquia mosense de Tameiga, foi escenario na tarde de hoxe das recepcións ao Club de Natación Mos e a Heber Rodríguez Vaquero, nun acto presidido pola alcaldesa de Mos, Nidia Arévalo; o concelleiro de Deportes, Baldomero Lorenzo, e demais membros da Corporación Municipal mosense.

  • Publicado en Mos

Veciñanza e Cogami participan xuntos nunha xesión de ximnasia integradora

Os usuarios e usuarias que participan na actividade de ximnasia que se desenvolven dentro do programa Mos no Verán, realizaron a súa sesión deportiva matinal nas intalacións de Cogami, no antigo Hospital do Rebullón, onde os membros da Confederación Galega de Minusválidos uníronse á sesión nun encontro de convivencia e integración altamente positivo.

  • Publicado en Mos
Suscribirse a este canal RSS