Mos adícalle o Pavillón Pena de Francia á atleta Soledad Castro

O Pavillón «Pena de Francia» de Mos leva, dende onte, o nome da atleta María Soledad Castro Soliño, en recoñecemento dos logros deportivos desta mosense que comezaba a súa andaina deportiva nun equipo de fútbol feminino de Tameiga, e pasándose aos 19 anos ao atletismo. A día de hoxe, no seu palmarés figuran camiponatos galegos e de España en campo a través, 3.000 e 10.000 metros e media maratón especialidade esta na que, no 2017, proclamábase campioa do mundo W-50 na cidade coreana de Daegu.

  • Publicado en Mos

Mos aproba a segunda fase da humanización de Cela

A Xunta de Goberno Local do Concello de Mos, aprobou a segunda fase do proxecto de humanización en Cela. Esta segunda fase humanizará a Estrada Generoso Domínguez desde o Camiño de Quinta ata a Igrexa de San Pedro de Cela. A obra conta cun orzamento base de licitación de 360.166,86 € máis IVE segundo consta no proxecto técnico redactado polo enxeñeiro en febreiro de 2019. 

  • Publicado en Mos

Andaina Solidaria polos montes de Tameiga da plataforma «Auga é Vida»

Os montes de Tameiga, no concello de Mos, serán escenario dunha Andaina Solidaria organizada pola «Plataforma Auga é vida», formada polas comunidades de Traídas de Augas de Petelos-Tameiga, Casal-Tameiga, de Monte Baxiña e de Sanguiñeda maila Comunidade de Montes de Tameiga. A andaina terá saída ás 10:30 h desde a área de lecer do Centro Deportivo, Social e Cultural «As Pedriñas» que será tamén o lugar de retorno no que ademais os e as participantes poderán gozar dunha churrascada.

  • Publicado en Mos

Mos inicia o seu plan anual contra a Velutina

O Concello de Mos vén de anunciar a posta en marcha do plan contra a Vespa Velutina. Así o informou hoxe a alcaldesa de Mos, Nidia Arévalo, quen explicou que a administración local mosense terá a disposición da veciñanza a un traballador encargado da eliminación de niños, para o que se adquiriu unha escopeta de aire comprimido. Os veciños que precisen dos seus servizos poderán demandalos telefónicamente chamando ao departamento municipal de Medio Ambiente ao número 986 09 70 37.

  • Publicado en Mos

Detida unha persoa en Mos por un presunto delito contra a saúde pública

A Policía Local de Mos, en colaboración coa Garda Civil, procedeu á detención dunha persoa, veciña do Porriño, por un presunto delito contra a saúde pública. Os feitos aconteceron logo de que durante o día 26 de febreiro ao redor das 17:00 horas, na parroquia de Sanguiñeda, os axentes observaran un vehículo que coincide coa descrición achegada por varios veciños na que indicaban á Policía Local que o individuo que conduce habitualmente o mesmo, "realiza supostas transaccións con substancias estupefacientes por diversos puntos do termo municipal".

  • Publicado en Mos

Feijóo visita a escola infantil «Trastes» da Asociación de Empresarios de Mos

O presidente do Goberno galego, Alberto Núñez Feijóo, vistou hoxe a escola infantil «Trastes» da Asociación de Empresarios de Mos á que o presidente puxo como exemplo do traballo “man a man” entre empresas, concellos e Administración autonómica, para xuntos, facilitar a conciliación, seguir creando recursos de atención á infancia e dar apoio económico ás familias que queren ter fillos; “para poñer, en definitiva, todas as facilidades económicas, fiscais e urbanísticas á disposición destes obxectivos”, dixo.

  • Publicado en Mos
Suscribirse a este canal RSS