I Forum Transfronterizo

Redondela celebra unha nova edición da «Feira libro dá muller»

Durante esta fin de semana, e por terceiro ano consecutivo, Redondela acolle a Feira do Libro da Muller, evento no que participan un total de cinco librerías das que dúas son do propio municipio. Nesta ocasión a feira busca visibilizar a figura de María Vitoria Moreno, tanto nas casetas das librerías como a través dunha exposición situada diante do Concello e co lema "Ler sen fronteiras-Mulleres do mundo".

Diego Ameixeiras, «A crueldade de abril»

«A crueldade de abril» é a proba palpable de que tamén na sordidez e na violencia podemos atopar poesía. Non nos confundamos, non é un poemario, senón unha novela, pero está traballada de tal maneira que o lirismo supura en cada páxina para revestir a nosa propia crueldade e, quizais, facérnola un pouco máis dixerible.

Xosé Duncan, «As lembranzas perdidas no lago Antelväri»

«As lembranzas perdidas no lago Antelväri» é unha novela de misterio que, lonxe de quedarse na superficie da historia (algo excesivamente habitual nestes relatos), busca profundar acerca do comportamento humano. Quen queira unha narración de terror ao xeito do cine comercial, con monstros a esgalla e berros histéricos, non vai atopar aquí nada diso; pero se buscades deixarvos sorprender pola fantasía e por unha historia ben argallada, estades de noraboa.

Alfonso Pexegueiro abre a colección «Creadores Ponteareáns»

«Blasfemias de Silencio (de Seraogna aos Balcáns)» do ponteareán Alfonso Pexegueiro, pasará xa a historia da literatura local como primeiro libro da colección, esperemos que ampla porque material hai dabondo, «Creadores ponteareáns», unha excelente iniciativa da Concellería de Cultura que xestiona a nacionalista Hortensia Bautista. A concelleira, acompañada do alcalde Xosé Represas, foron os encargados de presentar o libro nun acto celebrado na Sala de Conferencias do Auditorio de Ponteareas.

Salvaterra aproba as axudas para libros e material escolar do curso 2018/2019

O Concello de Salvaterra de Miño vén de aprobar, en Xunta de Goberno, as bases e a convocatoria específica de concesión de axudas económicas de 75,00 € destinadas á adquisición de libros e material escolar de cara ao próximo curso 2018-2019. Segundo Marta Valcárcel, primeira tenente de alcalde e concelleira de Servizos Sociais, búscase "promover o principio de igualdade na educación e compensar ás familias con recursos limitados para cubrir os custos derivados da escolarización dos seus fillos, entendendo como tales tanto a adquisición de libros como o resto de material escolar".

Suso de Toro, «Fóra de si»

O regreso de Suso de Toro á novela sempre é unha boa noticia. Porque significa a volta dun clásico en vida que xa nos ten amosado en numerosas ocasións a súa habilidade narrativa (de seguro que virán á vosa mente unha chea de títulos). E nesta ocasión volve ao primeiro plano cunha novela que, polo fondo, poderiamos considerar continuísta e pola forma, bastante rompedora.

«Blasfemias de silencio» de Alfonso Pexegueiro, abre a colección «Creadores Ponteareáns»

O alcalde de Ponteareas, Xosé Represas, e a concelleira de Cultura e Turismo, Hortensia Bautista, presentan o sábado día 19 o libro «Blasfemias de silencio (de Seraogna aos Balcáns» do ponteareán Alfonso Pexegueiro. Este primeiro libro que se enmarca na colección «Creadores Ponteareáns» que irá vendo a luz para por en valor o traballo creativo de moitos e moitas ponteareás é un poemario testemuño da renovación poética dos setenta que agora poderemos ler en edición revisada e correxida con introducción e notas de Luciano Fernández Martínez e tres apéndices do propio poeta.

Suscribirse a este canal RSS