A Exposición «Rompe. Xoga en Igualdade» chega a Nigrán

A deputada de Igualdade, Isaura Abelairas, e o alcalde de Nigrán e deputado provincial, Juan González, inauguraron este mediodía, no salón de plenos do concello, a exposición «Rompe. Xoga en Igualdade», que poderá visitarse ata o vindeiro día 21 de setembro. A mostra está protagonizada polas bonecas «Barbie», que foron intervidas para amosar situacións de desigualdade, discriminación e violencia que aínda hoxe, en pleno século XXI, seguen a sufrir as mulleres dende nenas. No acto tamén participaron as artistas creadoras da exposición, Isabel Blanco e Irene Silva.

  • Publicado en Nigrán

Éxito das campañas de igualdade e medio ambiente dos #RiasBaixasFests

As campañas de concienciación promovidas polo goberno de Carmela Silva nos #RíasBaixasFests da Deputación de Pontevedra avanzan con rotundo éxito e xa acumulan unha participación por enriba das 10.000 persoas. Rematados os catro primeiros festivais (Portámerica, Atlántic Fest, Vive Nigrán e SinSal) estase a percibir unha excelente acollida das campaña de sostibilidade «Somos historias, somos sostibles», e das campañas de igualdade «Conta comigo. Eu respéctote» e «Lembra, eu decido, ti respecta.

A Deputación aproveita o festival «Sinsal Son Estrella Galicia» para loitar pola igualdade

O Festival «SinSal Son Estrella Galicia» que se celebra no marco incomparable da Illa de San Simón e que hoxe remata é, sen dúbida, un festival que ten elementos que o fan único, como é o feito de que, por unha banda, o público só poida acceder ao recinto utilizando os barcos de que dispón a organización ─dada estraño nunha illa, por certo─ pero si o fai único o feito de que o cartel de artistas sexa absolutamente segredo e, os e as asistentes, tan so o coñezan unha vez que acceden ao recinto.

«La Manada», persoas non gratas en Ponteareas a iniciativa do BNG

A través dunha iniciativa do BNG, defendida no Pleno pola concelleira de Igualdade e Benestar Social, Verónica Carrera, Ponteareas declarou por unanimidade persoas non gratas aos cinco integrantes da autodenomindada «Manada». Os cinco agresores foron condenados por ter sometido a unha moza de 18 anos a reiterados actos sexuais, por parte de todos eles, en contra da súa vontade e facendo uso da súa condición de superioridade numérica, física e de idade.

«Rompe. Xoga en igualdade» reclama en Mondariz o fin da violencia machista

A deputada de Igualdade, Isaura Abelairas, e o alcalde de Mondariz, Xoán Carlos Montes Bugarín, inauguraron este mediodía na Praza de Abastos, a mostra «Rompe. Xoga en Igualdade», que poderá verse ata o vindeiro día 29 de xullo. A exposición está protagonizada polas famosas bonecas «Barbis intervidas» para amosar así situacións de desigualdade, violencia e discriminación que aínda hoxe, en pleno século XXI, viven as mulleres dende nenas. No acto tamén participaron as artistas creadoras da exposición, Isabel Blanco e Irene Silva.

«Mulleres en Acción. Violencia Zero», o berro contra as violencias machistas en Gondomar

O Concello de Gondomar acollerá este mércores 20 de xuño, ás 12:00h na Praza do Concello, á décimo cuarta intervención artística do programa «Mulleres en Acción. Violencia Zero», iniciativa da Deputación de Pontevedra que ten por obxectivo darlle visibilidade á loita contra as violencias machistas así como dar a coñecer o traballo de novas artistas contemporáneas que están a traballar a prol da igualdade.

Ponteareas participa na xornada sobre o Pacto de Estado contra Violencia de Xénero

A concelleira de Benestar Social e Igualdade do Concello de Ponteareas, Verónica Carrera, e a concelleira de Ensino e Participación Cidadá, Cristina Fernández, acompañadas da directora do CIM e da axente de Igualdade de Ponteareas, participaron na xornada sobre o Pacto de Estado contra a Violencia de Xénero da Escola de Igualdade María Vinyals, organizada pola Deputación de Pontevedra.

Carmela Silva impulsará un encontro estatal de todas as escolas de igualdade en Soutomaior

A xornada sobre o Pacto de Estado contra a Violencia de Xénero da escola de igualdade María Vinyals, organizada pola Deputación de Pontevedra, pechou esta tarde as súas portas co compromiso da Presidenta Carmela Silva de poñer en marcha un encontro a nivel estatal de todas as escolas de igualdade do estado que se celebrará no Castelo de Soutomaior. De feito, Silva sinalou que “hoxe establecemos as bases do evento que todas estamos convencidas de que temos que desenvolver e que se celebrará na nosa provincia”.

Suscribirse a este canal RSS