Mabel Lozano insta aos homes "a ser proactivos contra a prostitución e a trata"

A historia de Miguel, alcumado “El Músico”, un dos vinte propietarios da maioría dos clubs de alterne de España ata a súa detención, condena e arrepentimento, contada no documental “El Proxeneta”, de Mabel Lozano, removeu conciencias entre o numero público asistente anoite a proxección celebrada no Circulo Recreativo e Cultural de Porriño. A visión da película e un posterior coloquio con Mabel Lozano, directora e guionista da cinta, pechou a programación 'As Mulleres fan Porriño' en torno ó 8M, Día Internacional da Muller.

O Porriño repudia a violencia machista

Eva García, alcaldesa de O Porriño presidiu hoxe a concentración silenciosa en repulsa polo crimen machista acontecido onte en Valga. O acto celebrouse a mediodía ante a Casa Consistorial e contou coa presenza das concelleiras de Economía e Seguridade, Lourdes Moure e de Servizos Sociais e Igualdade, Soledad Girón así como outros membros da corporación local, funcionarios, traballadores municipais e veciños que se sumaron espontáneamente á convocatoria.

Eva García de la Torre: "As mulleres estamos ante un 'tempo de excepción'"

“Estamos en tempo de excepción: se nos chaman feminazis por defender os nosos dereitos, pois a moita honra por que as mulleres queremos é facer as cousas do mesmo xeito que os homes”, dixo Eva García de la Torre, alcaldesa de Porriño no acto institucional do 8M celebrado hoxe nesta vila. “Vimos de ver o que ten pasado en Andalucia: a ameaza de partidos que pretenden arrebatarnos dereitos que creíamos ter gañado para sempre; por eso digo que estamos en tempo de excepción” manifestou a rexedora local.

A biblioteca do Porriño presenta o seu amplo programa anual de actividades

Ao longo do 2019 a Biblioteca Municipal do Porriño, que depende directamente da Alcaldía, desenvolverá un amplo programa de actividades gratuítas relacionadas coa “aprendizaxe permanente”. A alcaldesa, Eva García de la Torre, subliña que “trátase de accións formativas non académicas que teñen como obxectivo o desenvolvemento do cidadán no plano laboral, social e persoal”.

Rematadas as obras na Fase V de Torneiros no Porriño

As obras iniciadas hai unhas semanas na Fase V de Torneiros están rematadas. A alcaldesa do Porriño, Eva García de la Torre, visitou o lugar no que puido comprobar que o resultado das mesmas. Os traballos, segundo sinala o Concello porriñés, solucionaron “varios problemas graves de seguridade e salobridade” que estaban a sufrir os veciños dun dos edificios desta parroquia. A día de hoxe está impermeabilizada a terraza,os muros e rehabilitouse a entrada ao garaxe.

O Porriño instala un quentador de auga e calefacción na unitaria de Mosende

A alcaldesa do Porriño, Eva García de la Torre, xunto coa concelleira de Educación, Lourdes Moure, vén de visitar a Escola Unitaria de Mosende onde o Concello colocou un quentador de auga e un sistema de calefacción. A escola, subliña a alcaldesa “carecía de calquera instalación para que as nenas e nenos estivesen quentes”. En menos dunha semana o Concello dispuxo os mesmos, investindo uns 6.000 €, e “agora os pequenos xa no pasan frío xa que mesmo tiñan que estar na clase cos abrigos e as cazadoras postas e non podían nin lavarse as mans porque a auga saía conxelada da billa”.

Eva García visita as obras das novas dotacións deportivas da Granxa

A alcaldesa do Porriño, Eva García de la Torre, que dende hai menos dunha semana é tamén a máxima responsable da área de Deportes do Concello, visitou este mércores as obras da novas instalacións de atletismo da Granxa. As mesmas, que contarán cun orzamento de 1 millóns de euros, serán unha realidade grazas a unha achega de 800.000 € por parte da Deputación de Pontevedra que, coma todas as inversións do organismo provincial no Porriño, foron asinadas pola propia alcaldesa.

Eva García de la Torre implícase directamente na organización da 'Porriño 10K'

A alcaldesa do Porriño, Eva García de la Torre, acompañada de integrantes do servizo municipal de Deportes e do xefe da Policía Local, mantivo este mércores, a última hora, unha xuntanza con representantes do Club Atletismo Porriño e os organizadores da Interruning. Nesta reunión, en primeiro lugar, expuxéronse os “malos entendidos” que puidese haber no que se refire a esta proba e tratouse o tema das condicións e infraestruturas precisas para a celebración do novo evento deportivo.

Suscribirse a este canal RSS