A Praza Maior de Ponteareas, lugar de emprendemento

O Goberno local de Ponteareas e a Seguridade Social están a realizar os últimos trámites necesarios para que o segundo e terceiro andar do edificio que a Seguridade Social ten na Praza Maior, pasen a ser de titularidade municipal. Trátase dun importante paso para o municipio que non conta con edificios en propiedade para ofrecer servizos á cidadanía. Á falta de confirmarse o uso que se lle daría ao inmoble, todo apunta a que será utilizado como espazo para que os emprendedores do municipio poidan desenvolver os seus proxectos.

Ponteareas e O Porriño acollen obradoiros do programa «SmartPeme»

As oficinas de «SmartPeme en Ponteareas e O Porriño, amais da de Vigo, acollerán durante o mes de abril 23 novos obradoiros ao abeiro da rede TIC impulsada pola Deputación de Pontevedra. «SmartPeme» oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man dos propios implicados e implicadas e coa colaboración das asociacións de empresarios e empresarias e de mozos e mozas autónomas.

As oficinas de SmartPeme de Ponteareas e O Porriño acollen novos obradoiros

As oficinas SmartPeme da área de Vigo, situadas nos concellos de Ponteareas, O Porriño e Vigo, acollerán ata finais deste mes de xaneiro novos obradoiros ao abeiro do programa “SmartPeme” da Deputación de Pontevedra. “SmartPeme” oferta ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC.

Formar para emprender, novo reto do CDL de Ponteareas

O Centro de Desenvolvemento Local de Ponteareas acolleu a presentación de “depoEmprende II”, unha iniciativa da Deputación de Pontevedra enfocada a todas as persoas menores de trinta anos que queiran poñer en práctica a súa idea e creen así o seu propio posto de traballo. “depoEmprende II” fomenta a cultura emprendedora e imparte formación acreditada para o emprendemento, ademais de adestrar aos participantes no manexo de ferramentas e metodoloxías innovadoras.

Obradoiro de «Marketing Dixital» do StartupVila de Redondela

O programa StartupVila, vén de organizar un obradoiro de Marketing Dixital, a cargo de Daniel Cerqueiro, que terá lugar o día 1 de setembro no espazo startupvila, na Casa da Cultura de Redondela, entre as 19 horas e as 21 horas. Daniel Cerqueiro, físico de formación, socio fundador e CMO de Phottic, startup de recuperación da memoria fotográfica, leva 13 anos vinculado ao marketing online.

Redondela busca recuperar a iniciativa emprendedora co proxecto «StartupVila de Redondela»

Redondela presentou hoxe a súa iniciativa StartupVila, coa que pretende impulsar o emprendemento e recuperar a iniciativa industrial e empresarial que, historicamente, caracterizou á vila dos viadutos. A Casa da Cultura foi o lugar elixido para a presentación desta iniciativa dinamizadora coa que intenta darse solucións “aos veciños e veciñas que desexan iniciar un proxecto emprendedor e que, as veces, atópanse cun mar de dificultades sen saber con certeza que pasos dar”, explicaba a concelleira de Desenvolvemento Local e alcaldesa accidental, Carmen Amoedo.

A Deputación de Pontevedra, nominada aos 'Smartup Olé 2016' polo seu apoio ao emprendemento

A presidenta da Deputación de Pontevedra, Carmela Silva, anunciou esta mañá a nominación da Deputación de Pontevedra ao “Premio Administración Pública 2016” polo seu apoio ao emprendemento. Ao premio, que se entregará mañá xoves no evento 'SmartUp Olé 2016' na cidade de Salamanca e ao que asistirá o Deputado de Innovación e Promoción Económica Javier Dios.

Suscribirse a este canal RSS