Carlos López Font e Digna Rivas supervisan a reposición de Servizos na rúa Cubillón

O deputado provincial, Carlos López Font, e a deputada Digna Rivas visitaron esta mañá en Redondela as obras de reposición de servizos na contorna da Rúa Cubillón, en Chapela, actuacións que se executaron coas achegas do Plan Concellos 2017 da Deputación de Pontevedra. Na visita participou tamén o alcalde de Redondela, Javier Bas, así como varias concelleiras e concelleiros municipais.

Digna Rivas propón, para Redondela, unha política cultural “estable, planificada e seria”

Digna Rivas, candidata do PSdeG á alcaldía de Redondela reuniuse, nas últimas datas, coa asociación ‘Xente Titiriteira’, organizadores do Festival Internacional de Títeres de Redondela, reunión que forma parte das que a candidata socialista está a manter con asociacións e colectivos vinculados ao eido cultural. Digna Rivas subliñou o traballo que realiza ‘Xente Titiriteira’ “que foron quen de facer que o Festival Internacional de Títeres de Redondela sexa un referente non só en Galicia e no resto do Estado, senón a nivel internacional”.

Digna Rivas gaba o Plan Concellos que permitirá contratar 23 persoas no Concello redondelán

A deputada provincial, Digna Rivas, manifestou que o Concello de Redondela pode contratar este ano a 23 persoas grazas á financiación da Deputación de Pontevedra, quen destina máis de 270.000 euros para esta actuación no marco do Plan Concellos 2019. “Se non fose polas achegas esenciais da institución provincial, Redondela non podería facer fronte á contratación de persoal para desempeñar traballos básicos no Concello”, asegurou a deputada.

A candidata do PSdeG-Redondela, Digna Rivas, reúnese coas asociacións de Negros e Cabeiro

A candidata socialista á alcaldía de Redondela, Digna Rivas, visitou esta pasada semana a parroquia de Cabeiro, para manter unha xuntanza co tecido asociativo e coñecer, sobre o terreo, os principais problemas que teñen os veciños e veciñas, ao igual que o fixera, días antes na parroquia de Negros. Antes das xuntanzas cos colectivos, a candidata socialista percorreu distintos lugares de ámbalas dúas parroquias onde, veciños e representantes de colectivos, explicáronlle ás demandas máis urxentes.

Digna Rivas reafirmase no seu rexeitamento ao proxecto do Porto de Vigo en Rande

A candidata a alcaldía de Redondela polo PSdeG-PSOE, Digna Rivas, acompañada polos deputados no Parlamento de Galicia, Abel Losada e Patricia Vilán, mantivo nesta pasada semana, unha nova xuntanza coa Plataforma en Defensa da Ensenada de San Simón de cara a darlles a coñecer as xestións realizadas, polos socialistas redondeláns, de cara a impedir que o cargadoiro de Rande sexa convertido nun almacén de contedores, tal e como pretende a Autoridade Portuaria “co beneplácito de Javier Bas que forma parte do Consello do Porto de Vigo”, sinalou Rivas.

Digna Rivas: "As promesas incumplidas do PP son unha falta de respecto á veciñanza"

A candidata á alcaldía de Redondela polo PSdeG-PSOE, Digna Rivas e o deputado socialista no Parlamento de Galicia, Abel Losada, analizaron na tarde de hoxe, polo miúdo, os investimentos que os Orzamentos da Xunta de Galicia contemplan para Redondela e que son, segundo Losada, "claramente negativos no cuantitativo e cualitativamente son unha ferramenta electoral clara ao servizo do Partido Popular".

Máis de 300 persoas de Redondela, nos programas ‘Conectadas’ e ‘Depo en Marcha’

A deputada de Cohesión Social e Xuventude da Deputación de Pontevedra, Digna Rivas, deu a coñecer os datos de participación da veciñanza de Redondela nos obradoiros realizados ao abeiro dos programas ‘Conectadas’ e ‘Depo en Marcha’ da institución provincial, o primeiro deles promovido polo Servizo de Igualdade, e o segundo dende o departamento que xestiona a propia Digna Rivas.

Digna Rivas reúnese con entidades da área de Benestar Social en Redondela

A candidata a alcaldía de Redondela polo PSdeG-PSOE, Digna Rivas, mantivo esta pasada semana unha reunión coas asociacións que desenvolven o seu labor na área de Benestar Social no municipio redondelá. A xuntanza, que se desenvolveu na sede do PSdeG-Redondela, tiña como obxectivo realizar un análise dos principais problemas que afectan a esta área, darlles a coñecer algunhas das liñas mestras de actuación dos socialistas en materia de Benestar Social dos e, sobre todo, escoitar as súas achegas de cara á súa posterior incorporación no programa de Goberno.

Suscribirse a este canal RSS