O pasado día 03 de decembro, mentres se realizaba servizo de patrulla polo termo municipal de Mos, concretamente na parroquia de Sanguiñeda, observouse un vehículo nunha zona apartada, o cal levanta as sospeitas dos Axentes de servizo.
Ao observar a presenza policial o ocupante do mesmo abandona o seu posto de condución introducíndose nunha zona boscosa, cando os Axentes chegan á súa altura poden observar como este home disimula facendo coma se buscase algo entre a maleza.
Tras realizar un rexistro superficial do vehículo, observando dous teléfonos móbiles e varios moedeiros con diñeiro, así mesmo búscase entre a maleza recuperando outra carteira a cal no seu interior ocultaba gran cantidade de dose do que parecía ser substancia estupefaciente, atopándose xa separadas en envoltorios individuais e con inscricións identificativas.
Solicitouse cooperación á Garda Civil, enviando ao Instituto Armado unha patrulla que colabora activamente no traslado do detido, efectos e vehículo a Xefatura de Policía Local, onde se practican as primeiras dilixencias para o seu posterior traslado ao Posto da Garda Civil de Mos e posta a disposición xudicial.
En concreto ocupáronselle, ademais dos dous teléfonos móbiles, un total de 25 dose de suposta substancia estupefaciente, así como máis de 350 € en billetes e moedas de diferentes cantidades.