A Deputación presenta as novidosas rutas «Camelias e xardíns históricos»

A presidenta da Deputación de Pontevedra, Carmela Silva, deu a coñecer esta mañá as rutas “Camelias e Xardíns históricos”: unha novidosa forma de achegarse ao patrimonio histórico e natural da provincia de Pontevedra. Estas rutas están enmarcadas na campaña de promoción turística “Somos historias”, escollida pola institución provincial para dar a coñecer a provincia ao longo do 2018, Ano Europeo do Patrimonio. “Camelias e Xardíns históricos”, tal e como explicou a presidenta “permitirá ás persoas visitantes gozar do patrimonio histórico e tamén do natural da provincia, representado polas camelias que, nestes momentos, se atopan en auxe”.

Digna Rivas inaugura “Sustentabilidade en feminino: achegas das mulleres á sustentabilidade do mar”

A exposición «Sustentabilidade en feminino: achegas das mulleres á sustentabilidade do mar», impulsada pola Deputación de Pontevedra e a Universidade de Vigo, chega ao Campus de Ourense. Así, desde hoxe e ata o vindeiro 12 de marzo, as persoas interesadas en coñecer a participación e o papel da muller no mundo do mar poderán visitar a mostra no Edificio de Ferro do Campus de Ourense da Universidade de Vigo.

A compostaxe chega ao alumnado do IES Barral de Ponteareas da man da Deputación

Máis dun cento de rapaces e rapazas de 1º, 2º e 3º da ESO do IES Barral de Ponteareas están a poñerse ao día sobre compostaxe da man do Plan Revitaliza da Deputación de Pontevedra. Grazas a varias charlas e obradoiros aprenderon da necesidade de xestionar os residuos de modo sustentable, facendo fincapé no proceso da compostaxe e do tratamento dos residuos orgánicos. Ademais, puxeron en marcha un composteiro individual para que no centro se poidan compostar todos os restos de comida e vexetais que se xeran.

A Deputación destina 750.000 euros para a contratación de 102 persoas en 7 concellos

Os Concellos de Mondariz, Arbo e Covelo, amais Moraña, Pazos de Borbén, Portas e Silleda, vanse beneficiar das achegas acordadas pola Xunta de Goberno da Deputación de Pontevedra, na liña 3 de fomento do emprego para a conservación e funcionamento de bens e servizos municipais do Plan Concellos 2018, e que supoñerá un investimento de preto dos 750.000 euros para a contratación de 102 persoas.

Mondariz contratará 19 persoas desempregadas ao abeiro do Plan Concellos 2018

O Concello de Mondariz, vén de solicitar a Deputación de Pontevedra unha subvención para a contratación de 19 persoas, ao abeiro da liña 3 do Plan Concellos 2018, destinada ao emprego, iniciativa para a que destinará un orzamento total superior aos 119.000 dos que o organismo provincial achegará preto dos 116.000 euros sendo o importe restante aportado polas arcas municipais.

  • Publicado en Mondariz

As Neves recibirá preto 175.000 euros en dúas novas achegas do Plan Concellos

A Xunta de Goberno da Deputación de Pontevedra vén de aprobar dúas novas achegas para o Concello das Neves, ao abeiro da liña 1 do Plan Concellos ─investimentos─, por importe de 174.498,35 euros de cara a realizar obreas de mellora en Cruceiro, na subida Igrexa e Pios así como para acometer novos investimentos nos camiños de paso en Pereiro, Covelo e Santa Eulalia de Batalláns.

  • Publicado en As Neves

A Deputación investirá 680.000 euros na mellora da rúa da Gándara en Salceda

A Deputación de Pontevedra investirá preto dos 680.000 euros na mellora e urbanización de parte do treito urbano da estrada provincial EP-2505, máis coñecida como rúa da Gándara, no concello de Salceda de Caselas. Segundo explica o deputado de Mobilidade Uxío Benítez, a actuación consiste na remodelación dun ámbito de 350 metros onde se reúnen moitos equipamentos públicos do concello, creando novas beirarrúas e espazos de aparcamento.

Suscribirse a este canal RSS