Avanzan a bo ritmo as obras da rúa Cubillón en Chapela

O alcalde de Redondela, Javier Bas, acompañado pola concelleira de Vías e Obras, María José Barciela, visitaron esta semana as obras de reposición de servizos da rúa Cubillón, en Chapela, iniciadas hai unhas semanas. As obras, segundo o Concello de Redondela, marchan a bo ritmo e "xa se está actuando en varias rúas simultaneamente para avanzar mais nos traballos" explica o executivo local.

A piscina de Chapela ten novas taquillas e un equipo de TRX no ximnasio

As novas taquillas substitúen ás anteriores que se atopaban moi deterioradas xa que o material non era o idoneo para ambientes húmidos. As novas taquillas son fenólicas e teñen cerre por moneda para garantir a seguridade dos usuarios. As novas taquillas instaláronse en todos os vestiarios. Foron adquiridas polo concello con cargo a fondos propios por importe de 20.800 euros.

Rivas confirma que a Deputación aprobará este venres 266.000 euros para saneamento en Chapela

A deputada provincial Digna Rivas confirmou esta mañá que o Goberno da Deputación de Pontevedra aprobará este venres o financiamento para os proxectos de saneamento de tres camiños de Chapela e a renovación das redes de saneamento e abastecemento dunha rúa desta mesma parroquia de Redondela, cun importe total de 266.464,37 euros da Liña 1 do Plan Concellos 2018

Luz verde do Goberno de Carmela Silva á reforma do aparcadoiro de Chapela

A Xunta de Goberno da Deputación de Pontevedra vén de aprobar este luns a nova achega para o concello de Redondela, dentro da Liña 1 do «Plan Concellos 2018», por un valor total de 60.327,12 euros, coa que se financiará a reforma do aparcadoiro anexo á Alameda de Chapela.  O proxecto supón a retirada do parque infantil da zona para poder ampliar o espazo de aparcamento na zona traseira da Alameda. As obras tamén inclúen o asfaltado da explanada.

A Deputación remodelará o aparcadoiro de Chapela, tal e como comprometera Digna Rivas

A Deputación de Pontevedra vén de anunciar que este próximo venres, en Xunta de Goberno, procederá a aprobación do proxecto de remodelación do aparcadoiro anexo á Alameda de Chapela, obras incluídas para o Concello de Redondela na Liña 1 do Plan Concellos 2018, e que contarán coa financiación da institución provincial por importe de máis de 60.327 euros. Cúmprese así o compromiso da deputada Digna Rivas coa veciñanza de Chapela "a pesar que Goberno municipal tramitara a solicitude a finais de marzo, nos últimos días de prazo" aunta a Deputación.

Fomento reúnese co Concello de Redondela e representantes veciñais para abordar actuaciones en Chapela

Técnicos da Dirección Xeral de Estradas do Ministerio de Fomento, a subdelegada do Goberno en Pontevedra, Ana María Ortiz, e representantes da sociedade concesionaria Audasa reuníronse na mañá de onte co alcalde de Redondela, Javier Bas, e con representantes veciñais para coordinar as actuacións que se inclúen no proxecto de reposición de viario no ámbito de Chapela e Trasmañó afectado polas obras de ampliación da AP-9.

Suscribirse a este canal RSS