Obradoiro de «Marketing Dixital» do StartupVila de Redondela

O programa StartupVila, vén de organizar un obradoiro de Marketing Dixital, a cargo de Daniel Cerqueiro, que terá lugar o día 1 de setembro no espazo startupvila, na Casa da Cultura de Redondela, entre as 19 horas e as 21 horas. Daniel Cerqueiro, físico de formación, socio fundador e CMO de Phottic, startup de recuperación da memoria fotográfica, leva 13 anos vinculado ao marketing online.

Redondela abre o prazo de inscrición para os cursos de Tai Chi

A Concellería de Benestar Social do Concello de Redondela, dirixida por María del Carmen Amoedo, vén de organizar un novo curso de Tai Chi para o que estará aberto o prazo entre os días 1 e 22 de setembro. O curso, ademáis de en Redondela, desenvolverase nas parroquias de Chapela, Cabeiro, O Viso, Reboreda e Saxamonde.

Redondela busca recuperar a iniciativa emprendedora co proxecto «StartupVila de Redondela»

Redondela presentou hoxe a súa iniciativa StartupVila, coa que pretende impulsar o emprendemento e recuperar a iniciativa industrial e empresarial que, historicamente, caracterizou á vila dos viadutos. A Casa da Cultura foi o lugar elixido para a presentación desta iniciativa dinamizadora coa que intenta darse solucións “aos veciños e veciñas que desexan iniciar un proxecto emprendedor e que, as veces, atópanse cun mar de dificultades sen saber con certeza que pasos dar”, explicaba a concelleira de Desenvolvemento Local e alcaldesa accidental, Carmen Amoedo.

Carmen Amoedo acusa a BNG, AER e non adscritos de “ignorar as necesidades veciñais”

A tenente de alcalde do Concello de Redondela, Carmen Amoedo acusou aos concelleiros de AER, BNG e a concelleira non adscrita, de “desprezar e ignorar ás necesidades dos redondeláns” logo de votar en contra no Pleno á proposta do Goberno de destinar 1,1 millóns de euros, de remanente do exercicio pasado, a obras “esenciais e urxentes, moi demandadas pola veciñanza de Redondela”.

Máis de 250 deportistas tomarán a saída no I Triatlón Concello de Redondela

O I Tríatlon Concello de Redondela reunirá o vindeiro sábado a partir das catro da tarde, a máis de 250 deportistas, segundo confirmaron os organizadores durante a presentación desta proba que tivo lugar na Casa do Concello redondelá. A competición ─impulsada polo Concello de Redondela, a Asociación Deportiva CAR de atletismo e a Federación Galega de Tríatlon─ iniciarase na praia de Cesantes, pasará polo peirao e terminará na alameda da vila. 

Arranca o Plan de Xuventude de Redondela

O Concello de Redondela vén de dar os primeiros pasos para a posta en marcha do Plan Estratéxico Municipal de Dinamización e Activación Xuvenil, unha iniciativa da Concellería de Xuventude que xestiona Julio Mougán que, xunto con persoal do seu departamento, desenvolven o traballo de campo da primeira fase do Plan que ten, como obxectivo, o coñecemento e diagnose da realidade actual da mocidade en Redondela.

Redondela, municipio de máis de 10.000 habitantes con menor taxa de paro

O Concello de Redondela co 17,26 % de tasa de Paro, sitúase á cabeza dos concellos con menos paro da Área Metropolitana, asegurou o Concello Redondelán. A vila dos viaductos segue mellorando os datos de emprego tras os últimos datos dados polo ministerio de emprego. Dende o ano 2012, afirma o Goberno local, "pódese apreciar unha clara baixada da taxa de paro tomando como referencia os datos de xaneiro".

Suscribirse a este canal RSS