Redondela inicia as obras no Camiño Outeiro, na parroquia de Reboreda

O alcalde de Redondela, Javier Bas acompañado polas concelleiras María José Barciela e Carmen Amoedo, visitaron as obras de ampliación da calzada que se están a desenvolver no Camiño Outeiro, no barrio Anselle de Arriba, na parroquia de Reboreda. Os traballos contemplan a desmontaxe de varios muros lindantes co camiño e a construción dos mesmos cumplindo co retranqueo necesario para dotar ao camiño dun ancho suficiente para o paso seguro de dous vehículos.

O equipo «Crossfit Norte Redondela» aos «Crossfit Games» de EEUU

O concelleiro de Deportes do Concello de Redondela, Julio Mougán, xunto coa tenente alcalde María del Carmen Amoedo, recibiron hoxe no Concello ao equipo Crossfit Norte Redondela tras conseguir entrar no Crossfit Games logo de obter a primeira posición na fase Open na súa rexión e rematar a segunda fase de rexionais na 4ª posición.

A aposta de Redondela pola integración das persoas con discapacidade sensorial

O alcalde de Redondela, Javier Bas, acompañado pola concelleira de Benestar Social, Carmen Amoedo e a presidenta de XOGA, María Jesús Monterde presentaron na tarde de onte, na Casa do Concello de Redondela, as actividades que se estaban a desenvolver con motivo da celebración, hoxe 14 de xuño, do Día Nacional da Lingua de Signos, entre os que se encontraba un contacontos para os máis cativos, desenvolvido nesta linguaxe, e que se estaba a desenvolver neses momentos na entrada da Casa do Concello cun grande éxito de participación de nenos e nenas.

Medio Ambiente colaborará no financiamento do PXOM de Redondela

A conselleira de Medio Ambiente e Ordenación do Territorio, Beatriz Mato Otero, e o alcalde de Redondela, Javier Bas Corugeira, mantiveron hoxe unha reunión de traballo para analizar a situación urbanística do concello pontevedrés e, concretamente, os pasos dados co obxectivo de dotalo dun Plan Xeral de Ordenación Municipal (PXOM), reunión na que tamén estaba presente a tenente de alcalde e concelleira de Urbanismo de Redondela, Carmen Amoedo..

Redondela inviste preto de 15.000 euros no parque de San Pedro en Cesantes

A concellería de Parques e Xardíns do Concello de Redondela, María José Barciela, visitou esta semana o parque de San Pedro en Cesantes, unha vez rematadas as obras de renovación da área, para comprobar o estado final dos traballos. A obra foi financiada tras recibir a pasada semana a resolución da subvención de Vicepresidencia e Administracións Públicas da Xunta de Galicia que representa unha axuda do 80 % do investimento total, poñendo o Concello de fondos propios o 20 % restante.

As prazas residenciais do Centro de Maiores de Cesantes entrarán en servizo no 2018

O xerente do Consorcio Galego de Servizos de Igualdade e Benestar, Perfecto Rodríguez, anunciou hoxe que a parte residencial do Centro de Maiores de Cesantes “entrará en servizo no primeiro semestre do 2018”. Rodríguez fixo estas declaracións durante a visita que realizou ao centro de maiores desta parroquia redondelá, acompañado polo alcalde, Javier Bas e pola concelleira de Benestar Social, Carmen Amoedo.

Redondela traslada á Xunta a necesidade de eliminación da peaxe de Rande

O Concello de Redondela e os afectados pola AP9 veñen de trasladar á Xunta de Galicia a necesidade de eliminar a peaxe de Rande ao considerala “un agravio inxusto que prexudica a competitividade de Chapela e do conxunto da comarca de Redondela”, petición formulada nunha xuntanza que mantiveron onte á tarde, en Santiago, coa conselleira de Infraestructuras, Ethel Vázquez.

Redondela recepciona un local para Servizos Sociais na urbanización da antiga Fábrica de Regojo

O alcalde de Redondela, Javier Bas, asinou esta semana a recepción dun local na urbanización da antiga Fábrica de Regojo, cedido ao Concello de xeito totalmente gratuito, que acollerá as novas oficinas de Servizos Sociais e Igualdade. O local, de 353 metros cadrados, conta cun proxecto deseñado polo arquitecto municipal e que cumpre coas necesidades amosadas polo propio servizo ao que vai destinado.

Suscribirse a este canal RSS