A presidenta da Deputación de Pontevedra, Carmela Silva, vén de anunciar a creación da primeira marca de calidade que impulsa a institución provincial destinada a deportistas de alto nivel e a xoves promesas. O primeiro paso para conseguilo é a aprobación dunhas bases reguladoras nas que se recollen os requisitos que deben cumprir as persoas aspirantes para obter o distintivo de Deportista de Alto Nivel (DEPODAN) e de Deportista Promesa (DEPOPROMESA).

O Concello de Nigrán vén de poñer en coñecemento de todos os interesados e interesadas que a Consellería de Economía, Emprego e Industria da Xunta de Galicia, convoca axudas económicas urxentes de caracter social para colaborar no pago da factura de electricidade a persoas en risco de exclusión social.

O concello de Arbo, xunto coa fundación "Segundo Gil Dávila", convoca axudas de 500,00 € cada unha para estudantes universitarios que estean empadroados no Concello. 

A Deputación de Pontevedra, en Xunta de Goberno, vén de aprobar novos investimentos nun total de quince municipios da provincia no marco da liña 1 do vixente Plan Concellos. Trátase dun total de dezanove partidas por un total de 3.500.478,16 euros para Agolada, Cambados, Cangas, Cerdedo-Cotobade, A Estrada, Gondomar, Lalín, A Lama, Ponteareas, Rodeiro, O Rosal, Salceda de Caselas, Soutomaior, Valga e Vila de Cruces.

A Xunta de Goberno da Deputación de Pontevedra vén de aprobar a concesión de 119 subvencións, por un valor total que ascende aos 499.000 euros, dirixidas a entidades sen fins de lucro da provincia para realización de actuacións enmarcadas no ámbito dos servizos sociais, sociosanitarios e da xuventude durante este ano 2018.

Vinte e cinco comunidades de usuarios de auga de Tomiño recibirán, por segundo ano consecutivo, unha subvención por parte do Concello que lles permitirá facer fronte a gastos de materiais, equipamentos e man de obra para realizar melloras dos sistemas de captación de auga (fontes e pozos e o seu entorno); sistemas de almacenamento e potabilización (depósitos e o seu entorno, filtración, decantación, filtración), e sistemas de distribución (extensión ou mellora nas redes de distribución).

O alcalde do Concello da Guarda, Antonio Lomba, e os representantes de 53 asociacións guardesas veñen de firman os convenios para as subvencións nominais concedidas a cada unha delas para o ano 2018, aprobados en Pleno Ordinario. As axudas municipais, cunha contía total de 125.610 €, destínase a distintas asociacións guardesas de carácter deportivo (70.300 €), cultural (36.110 €) e social (19.200 €).

A Secretaría Xeral para o Deporte da Xunta de Galicia vén de conceder preto de 15.000 euros en subvencións a clubs deportivos do Concello de Baiona. “Nove entidades recibiron apoio económico da Xunta para o fomento de actividades deportivas. É unha posta máis da Xunta de Galicia polo noso municipio”, declarou o alcalde baionés, Ángel Rodal.