A piques de rematar os traballos de recuperación da antiga escola de Atios

Os traballos de recuperación da antiga Escola Unitaria de Covelo, na parroquia de Atios, están chegando á súa finalización logo dun traballo levado a cabo polas Concellerías de Vías e Obras, que dirixe Manuel Carrera, e de Emprego e Formación e Benestar, que xestiona Soledad Girón. Precisamente, a Concellería de Vías e Obras vén de rematar a colocación das fiestras, portas e persianas no inmoble, cun investimento total de 24.000 € con cargo ao «Plan Concellos» da Deputación de Pontevedra.

As obras de saneamento do campo do Atios, no Porriño, rematarán neste mes

A Concellería de Vías e Obras, que dirixe Manuel Carrera, está realizando dende hai unha semana os traballos para levar o saneamento aos novos vestiarios e aos baños públicos do Campo de fútbol de Atios. Carrera apunta que as obras contan cun orzamento total de 30.000 € e abranguen o ancheamento da estrada, dende a popularmente coñecida como «chegada do Carballo» ata a Travesía de Novás, un treito de máis de 200 metros, “o cal mellorará a entrada e saída de vehículos dende o campo de fútbol”.

Un "adestramento privado" para un rally, indigna aos comuneiros de Atios

A Xunta Directiva da Comunidade de Montes Veciñais en Man Común de Atios, no Porriño, amosou hoxe a súa indignación por o "adestramento particular" dun coche para un rally o pasado martes 10 de abril, "acompañado dun forte despregamento da policía local do Porriño" que cortaron o tráfico nun treito da pista que une os dous barrios e atravesa propiedades da comunidade de montes de Atios, sin que esta tivera coñecemento deste feito e sen que se lle pedira permiso para a súa utilización, sinalan os comuneiros.

Os comuneiros de Atios cualifican de "clamoroso erro político" o recurso sobre as canteiras

Nunha decisión que a Comunidade de Montes de Atios cualifica de "lamentable e clamoroso erro político", o feito de que os grupos que forman o goberno local do Porriño ─PSOE e UDDL─, xunto co Partido Popular, votasen en contra da moción presentada polo BNG, (que recibiu o voto a favor de EU Son), na que se pedía poñer fin ao preito das canteiras de Atios e asinar un convenio de colaboración entre Concello e a comunidade.

O Porriño recorrerá a sentenza sobre a canteira de Atios

O Concello do Porriño recorrerá a sentenza do Xulgado de Primeira Instancia e Instrución número 3 do Porriño que declara comunais os terreos de monte en Atios ocupados polas canteiras e outras explotacións industriais. Así transmitiullo este mércores a alcaldesa, Eva García de la Torre aos membros da xunta directiva da Comunidade de Montes de Atios, cos que mantivo unha xuntanza esta mañá no seu despacho do Concello.

Eva García de la Torre reunirase cos comuneiros de Atios para falar das canteiras

A alcaldesa do Porriño, Eva García de la Torre, manterá unha xuntanzan con representantes da Comunidade de Montes de Atios, o vindeiro mércores, día 14, ás 10:30 horas. Cumpre deste xeito García de la Torre o seu compromiso trala sentenza do Xulgado de Primeira Instancia Nº 3 do Porriño en relación coa titularidade das canterias da parroquia.

O BNG do Porriño propón que o Concello non recorra a sentenza das canteiras

O BNG vén de instar ao Goberno local do Porriño que non recorra a sentenza xudicial pola que o xulgado de 1ª Instancia e Instrución nº 3 do Porriño dálle a razón aos veciños de Atios na súa reivindicación sobre a propiedade das parcelas onde se localizan as explotacións de granito, sente a negociar coa comunidade de Montes de Atios e chegue ao mellor acordo para os intereses municipais. Tarde ou cedo, a xustiza fará firme a propiedade legal dos veciños e, daquela, o Concello non terá marxe de manobra nunha negociación.

Suscribirse a este canal RSS