BTT e sendeirismo nos prolegómenos da Feira do Requeixo e Mel das Neves

O vindeiro domingo, 24 de marzo, ACD Sanomedio, coa colaboración do Concello das Neves, organizan a VIII ruta BTT 'Los 66 del Requesón', e unha nova ruta de Sendeirismo polos montes da vila. Ámbalas dúas actividades forman parte da programación da Festa do Requeixo, que terá lugar nas Neves os días 19 e 20 de abril.

Éxito do Centro de Compostaxe Comunitaria da Casa da Xuventude das Neves

O novo centro de compostaxe comunitaria situado á beira da Casa da Xuventude de As Neves xa funciona a pleno rendemento. Persoal técnico do Plan Revitaliza da Deputación de Pontevedra esta pasada semana, con motivo da súa posta en marcha, unha charla informativa entre a veciñanza da zona para explicar o funcionamento e como achegar o lixo orgánico.

As Neves amosa o seu malestar polo uso de glifosato por parte da Xunta

O Goberno local das Neves vén de amosar o seu malestar polo uso, por parte da Xunta de Galicia, de herbicidas para tratar as beiravías das estradas autonómicas que pasan polo concello. Este malestar tamén foi trasladado polos veciños das parroquias nas que unha empresa contratada pola Administración galega está a empregar glifosato en lugar de rozar para acabar coa maleza.

A veciñanza das Neves aliviada no pago de impostos para reconstruir despois dos lumes

O Goberno local das Neves lembrou hoxe que as accións, aprobadas no seu día para facerlle fronte ás perdas ocasionadas polos lumes de outubro de 2017, seguen a beneficiar ás veciñas e veciños. Para facilitar que os afectados puidesen rehabilitar as súas propiedades, o Pleno do Concello, a proposta do Goberno local acordou, coma subliña o alcalde, Xosé Manuel Rodríguez Méndez, “unha redución do 95% no imposto de construcións”.

As estradas do Ravelo e Santa Marta, nas Neves, lucirán novo aspecto

As estradas provinciais que cruzan o barrio do Ravelo e chegan á igrexa de Santa Marta de Ribarteme, no concello da Neves, estrearán a súa nova imaxe en Semana Santa. Así o indicou hoxe o deputado de Mobilidade Uxío Benítez logo de realizar unha visita de supervisión ás dúas actuacións, que suman un investimento total de preto de 300.000 euros, acompañado do alcalde Xosé Manuel Rodríguez Méndez.

As Neves reclama un "cruce seguro" para Setados e "non prohibicións"

O alcalde das Neves asegurou estar "asombrado" logo de que a Consellería de Infraestruturas, Territorio e Medio Ambiente colocase, sen dar aviso, un sinal que prohíbe o xiro no cruce da PO-400 co camiño que leva a Laxes, a A Igrexa e a maior parte da parroquia de Setados. Xosé Manuel Rodríguez Méndez lembra que hai tres anos que formulara á Xunta de Galicia a necesidade de que neste cruzamento se sitúe unha ‘rotonda’ ou unha ‘raqueta’, dado o perigo do mesmo para vehículos e peóns.

  • Publicado en As Neves

Obradoiro sobre o Plan de Mobilidade Sustentable do Río Miño Transfronteirizo nas Neves

A Casa da Xuventude das Neves acollerá, este xoves 21 de febreiro ás 19:30 horas, un obradoiro de participación sobre o Plan de Mobilidade Sustentable do río Miño Transfronteirizo (PMST), de cara a que entidades, colectivos e persoas interesadas poidan realizar as súas propostas e achegas. O PMST é unha das principais accións do proxecto de cooperación transfronteriza Smart Minho, que busca planificar un modelo de mobilidade e accesibilidade, entre as eurocidades do Minho, orientado á mellora da calidade de vida das persoas, a seguridade vial e respecto ao medio ambiente.

  • Publicado en As Neves

O Goberno das Neves consigue que a Xunta licite a nova Escola Infantil

O Goberno local das Neves (BNG-PSOE) vén de acadar que, por fin, o Consorcio Galego de Servizos de Igualdade e Benestar, aprobe a licitación da Escola Infantil. O propio xerente do Consorcio,  Perfecto Rodríguez, chamou ao alcalde nacionalista das Neves, Xosé Manuel Rodríguez Méndez, para darlle a nova.

  • Publicado en As Neves
Suscribirse a este canal RSS