A auga, protagonista dunha exposición fotográfica na Guarda

O martes día 11 de decembro a Sala de Exposicións do Centro Cultural da Guarda acolleu a inauguración da exposición «Auga, o sangue da terra», un proxecto de Manuel Valcárcel. O acto de inauguración contou coa presenza do alcalde da Guarda, Antonio Lomba; as concelleiras de Turismo e Cultura, Montserrat Magallanes e Elena Baz, respectivamente, así coma unha representación de Afundación e de Abanca, coorganizadores desta exposición e público asistente.

  • Publicado en A Guarda

Inscricións para os Paxes da Cabalgata de Reis este sábado na Guarda

O Concello da Guarda pon en coñecemento de todos os interesados e interesadas que este sábado, día 15 de decembro, terá lugar a inscrición dos nenos e nenas que desexen participar na Cabalgata de Reis 2019 na Guarda. Para formalizar a inscrición terán que acudir ao Centro Cultural a partires das 10 horas. As nenas e nenos que non acudan acompañadas dos seus proxenitores, deberán enviar a outra persoa coa autorización debidamente asinada, que se pode descargar nesta ligazón, autorizando á persoa que os acompañe.

  • Publicado en A Guarda

A Guarda mellora a sinalización turística

O Concello da Guarda ven de mellorar a sinalización turística grazas a unha subvención para actuacións de mellora das infraestruturas turísticas de Turismo de Galicia presentada a comezos deste ano. A actuación realizada é a homoxeneización e mellora da sinalización turística na Guarda na que se procedeu á retirada das actuais sinais turísticas que se atopaban obsoletas na súa imaxe e nos seus formatos e a instalación das sinais direccionais urbanas para que os visitantes perciban unha atención de calidade no seu desprazamento pola vila.

  • Publicado en A Guarda

Aberta a inscrición para os Obradoiros de Nadal na Guarda

Dende este luns día 10 de decembro está aberto o prazo de inscricións para os Obradoiros de Nadal para nenos e nenas «Decora o teu Concello» e «Decora a túa casa». Os días 26 de decembro e 2 de xaneiro os rapaces da Guarda teñen a oportunidade de realizar un obradoiro de manualidades dentro do programa «Decora o teu Nadal».

  • Publicado en A Guarda

A Guarda inaugura este martes a Exposición «Auga, o sangue da terra»

O vindeiro martes día 11 de decembro ás 20:00h a Sala de Exposicións do Centro Cultural da Guarda acolle a inauguración da Exposición «Auga, o sangue da terra», un proxecto de Manuel Valcárcel no que, como explica, "é un elemento vital ao que quixen render esta humilde homenaxe en comparación co que representa, parte de todo o que somos e todo o que crea. Elemento vital que debe ser motivo de unión e xamais de discordia".

  • Publicado en A Guarda

A Guarda celebra o martes a derradeira charla de «Manual de instrucións para educar»

O vindeiro martes día 11 de decembro a Casa dos Alonsos da Guarda acolle a cuarta e derradeira sesión da terceira edición de «Manual de instrucións para educar», unhas charlas informativas organizadas dende a Oficina Municipal de Información Xuvenil e Educación Familiar co fin de aportar aos pais e nais as ferramentas necesarias para afrontar dun xeito positivo e correcto o proceso educativo dos seus fillos e fillas.

  • Publicado en A Guarda

Manuel Benito Lomba Portela, o centenario da Guarda

O alcalde da Guarda, Antonio Lomba; a concelleira de Servizos Sociais, Teresa Vicente e o primeiro tenente de alcalde, Miguel Español, visitaron este mércores a Manuel Benito Lomba Portela, que ven de celebrar o seu 100 cumpre anos. Manuel Benito recibiu con sorpresa aos representantes municipais, acompañado dos seus familiares e agradeceu a súa visita, onde aproveitou para falar co Alcalde, da súa participación na Guerra Civil e algunha anécdota sobre a súa relación co concello coma Policía Municipal.

  • Publicado en A Guarda

A Guarda vístese de Nadal

O Nadal chegou este mércores á Guarda e nin a choiva fon quen de impedir que veciños e veciñas déranse cita na Praza do Reló para asistir ao sempre atractivo —máis se cadra para os máis pequenos— acendido do alumeado do Nadal. As luces anunciaban ademáis, o inicio dunha programación de actividades extensa e variada na que destacan o teatro, a animación musical polas rúas, os concertos de panxoliñas, os obradoiros de decoración, as chocolatadas, a instalación por primeira vez na vila dunha pista de xeo, ou a Cabalgata de Reis.

  • Publicado en A Guarda
Suscribirse a este canal RSS