Redondela

AER e a Odisea do transporte metropolitano en Redondela

A Agrupación de Electores de Redondela asegura que o transporte metropolitano foi posto en marcha “por presas electoralistas” sen realizar probas previas. Lembra AER que a Xunta de Galicia asegurou que “Redondela sería o concello no que se probaría o novo sistema de transporte metropolitano”, unha información da que dabamos conta en Comarcas na Rede.

  • 0

A redondelá Digna Rivas, deputada provincial polo PSdeG-PSOE

Segunda da lista do PSdeG-PSOE de Redondela nas pasadas eleccións municipais e voceira do grupo municipal socialista na pasada lexislatura, Digna Rivas, saiu elixida deputada provincial, posto con histórica representación debido a atoparse Redondela no cuarto lugar por habitantes da Provincia de Pontevedra.

  • 8

Eliseo Parra pecha os concertos da Rede de Músicas Soltas de Redondela

Eliseo Parra será o encargado de poñer o peche, o sábado 20 de xuño, aos concertos da Rede de Músicas Soltas, organizados pola Concellaría de Cultura do Concello de Redondela e mais a Central Folque, remata este sábado. Este ciclo desenvolveuse en Redondela de xaneiro a xuño, nunha cita mensual coas mellores músicas populares contemporáneas galegas e peninsulares, en formato próximo e acústico.

  • 0

Sen sorpresas en Redondela: Javier Bas, investido alcalde

Javier Bas foi investido hoxe alcalde de Redondela nun pleno no que in se esperaba sorpresas, nin as houbo. Bas afronta, deste xeito, o seu segundo mandato consecutivo e, ao igual que o fixo na anterior lexislatura, en minoría, o que lle obriga a acadar pactos cos grupos da oposición para sacar adiante os temas que teñan que ir a Pleno da Corporación Municipal.

  • 0

Presentación en Redondela do libro “Cartas de un condenado a muerte”

O multiúsos da Xunqueira acollerá o xoves 11 de xuño, ás 21.00 h, a presentación do libro “Cartas de un condenado a muerte” (Alvarellos Editora), de José Mejuto Bernárdez. A recompilación destas cartas convértese nun testemuño único e conmovedor da guerra civil española e dos últimos días en prisión, en 1936 e 1937, do republicano galego José Mejuto Bernárdez (1905-1937), nos cárceres de Vigo, San Simón e Pontevedra.

  • 0
Suscribirse a este canal RSS