Redondela

Redondela duplica o importe do convenio que manten coa asociación Andaina

O Concello de Redondela ven de firmar coa Asociación de Pais e Nais de Persoas con Necesidades Especiais Andaina o novo convenio deste ano, no que duplica a aportación que se lle outorga á asociación respecto ao convenio do ano anterior pasando de 2.000 euros aos 4.000 euros. O Concello redondelán basa este incremento na contía co convenio "na importancia da labor social que desenvolve Andaina".

O Viso, en Redondela, celebra unha nova edición da tradicional 'Festa dos Fachos'

Este sábado a parroquia do Viso acolle unha nova edición da Festa dos Fachos que terá o percorrido habitual dende a base do monte da Peneda ata o cumio, a lectura dunha invocación, o prendido da fogueira e, por último, será a quenda da queimada. A saída está prevista para as 23:30 horas dende o cruce da estrada do Viso coa que leva A Peneda a altura do establecemento comercial Carpintero.

AER afirma que o Goberno redondelán "ten enterrada" a comisión da piscina de Chapela

A Agrupación de Electores de Redondela, AER, asegura que o Goberno local de redondela vén de enterrar a comisión de investigación sobre a piscina de Chapela, unha actitude que AER considera de falta de respecto aos colectivos sociais desta parroquia redondelá que solicitaron a creación da comisión de investigación, nunha moción presentada a través de AER no Pleno do Concello no ano 2012.

Concello e Xunta coordinan a posta en marcha do programa de vivendas baleiras

A Xunta de Galicia e o Concello de Redondela coordinan as actuacións necesarias para poñer en funcionamento o Programa de Vivendas Baleiras neste municipio pontevedrés. A secretaria xeral do Instituto Galego da Vivenda e Solo, María Ángeles Domínguez, mantivo hoxe unha reunión co alcalde de Redondela, Javier Bas, e a concelleira de Benestar, Carmen Aomedo, co obxectivo de explicarlle o funcionamento do programa activado polo Goberno galego no marco do Plan rehaVIta, plan galego de rehabilitación, alugueiro e mellor acceso á vivenda 2015-2020.

Suscribirse a este canal RSS