Redondela

Charla-debate sobre a enseada de San Simón

O martes, 14 de abril, o Hostal Antolín de Cesantes, en Redondela, acollerá unha interesante xornada sobre “A enseada de San Simón e a súa evolución no tempo”. A charla será impartida por técnicos de recoñecido prestixio que explicarán, polo miúdo, as actuacións medioambientais que se desenvolveron nesta zona.

O tema é de grande interese para os profesionais do mar aínda que a actividade, totalmente de balde, está aberta á participación de todos aqueles que queiran coñecer máis sobre este tema. A charla está organizada polo Concello de Redondela e Portos de Galicia

  • 0

Polémica pola ordenación do estacionamento no Campo da Feira

O Partido Popular de Redondela vén de facer unha serie de aclaracións sobre a futura ordenación do estacionamento no Campo da Feira, nas inmediacións do Mercado de Abastos, logo de que o portavoz do PSOE redondelán, Eduardo Reguera, asegurase que dita ordenación “ten afán recadatorio amais de ser inxusta para os cidadáns con menos recursos”.

  • 0

"Voadora" achega este sábado a súa comedia musical "Waltz"

A programación deseñada pola Concellaría de Cultura para este trimestre inclúe unha comedia musical da compañía santiaguesa Voadora que dará comezo no multiusos da Xunqueira o sábado 11 de abril ás 21:00 horas. WALTZ é a súa produción máis laureada até o momento, coa que levan máis de 40 representacións por toda a península, e que están a levar agora por diferentes escenarios do país nunha xira final. WALTZ é un conto que fala de amor e desamor, de namoramentos e rupturas, da vida compartida e da lembranza de amores perdidos. As entradas pódense xa, a un prezo de 5 €, no multiúsos da Xunqueira.

  • 0

Conta atrás do Plan de Transporte Metropolitano

A directora xeral de Mobilidade, Helena de Lucas, acompañada polo alcalde de Redondela, Javier Bas e a delegada territorial da Xunta en Vigo, María José Bravo Bosch, supervisou hoxe as probas piloto que se realizan nos autobuses, co fin de pór en marcha de forma inminente o Plan de Transporte Metropolitano da área de Vigo. De Lucas subliñou que se trata dun Plan moi beneficioso para todos os veciños desta comarca e de maneira destacada para os veciños de Redondela, que é probablemente un dos concellos que mantén unha relación máis intensa coa cidade cabeceira, e polo tanto, con maior intercambio de desprazamentos.

  • 0

Clausura do ciclo "Pórtico Sonoro"

A igrexa de Santa María de Reboreda acolleu o sábado 28 de marzo o último dos concertos do ciclo de música Pórtico Sonoro que, desta volta, correu a cargo do Coro de Cámara Rías Baixas e Orquestra, que interpretaron o Réquiem en Do menor de Luigi Cherubini (1760-1842). Esta composición foi estreada en 1817 na conmemoración da execución de Luis XVI.

  • 0

Os muros de Cesantes, e o malestar veciñal

A agrupación municipal socialista de Redondela decidiu solicitar a reunión, pola vía de urxencia, do Consello Parroquial de Cesantes tras comprobar a marcha das obras do muro de contención da punta da praia, unha actuación sufragada cos fondos do Plan Marisma+, e que se está a espertar a oposición dos distintos colectivos veciñais da parroquia.

  • 0
Suscribirse a este canal RSS