Redondela

Redondela, unánime no rexeitamento do anteproxecto de Lei de Acuicultura

O Concello de Redondela dará voz, no vindeiro Pleno, a unha moción da Confraría de Pescadores San Juan na que se pide que a Corporación Municipal exprese o seu rexeitamento ao Anteproxecto de Lei de Acuicultura, inste á Consellería do Mar a súa retirada e que o Consello da Xunta rexeite dito anteproxecto de lei ao consideralo daniño para os intereses dun municipio, como Redondela, no que o mar é un sector estratéxico para a economía local.

  • 0

Paula Carballeira, no Lareta 2016 de Redondela

O Auditorio da Xunqueira acollerá, o vindeiro sábado 23 de xaneiro ás 20:00 h, a segunda das funcións do festival de monólogos de Redondela, Lareta 2016, que desta volta correrá a cargo da actriz, escritora e narradora, Paula Carballeira. Baixo o título 'Os contos que non che contaron', Paula Carballeira presentará aos asistentes historias e contos que nos achegan á literatura oral, a expresión máis auténtica da cultura popular en lingua galega.

  • 0

O BNG denuncia que os semáforos de Cesantes levan dúas semanas sen funcionar

O BNG de Redondela vén de cualificar de "moi grave" o problema de seguriade viaria que se está a vivir en Cesantes onde os semáforos levan dúas semanas sen funcionar. Os nacionalistas redondeláns aseguran que esta situación amosa unha clara “falla de previsión”, por parte do Goberno municipal. Alerta o BNG que o lugar onde estes semáforos non están operativos "é unha zona cunha alta densidade de tráfico rodado"

  • 0

AER levará ao Pleno de Redondela unha moción sobre o Programa Municipal de Conciliación

A Agrupación de Electores de Redondela levará ao vindeiro Pleno da Corporación unha moción sobre o Programa Municiplal de Conciliación xa que, segundo os independentes redondeláns, a pesar de ser un programa que se desenvolve todos os anos, "non é comprensible que non se publicite a súa convocatoria", cando menos un mes antes do seu inicio "para que poida chegar ao coñecemento de todas as familias interesadas".

  • 0

Preocupación en AER pola seguridade viaria da N-552

A Agrupación de electores de Redondela (AER), e con motivo das obras que se están a realizar na calzada da N-552 á altura do futuro hipermercado de Mercadona en Cedeira, vén de demandar por Rexistro que coa maior celeridade posible se mellore a inseguridade viaria detectada na zona.

  • 0
Suscribirse a este canal RSS