Redondela

ABANCA e empresarios de Redondela atopan novas fórmulas para impulsar os proxectos locais

ABANCA e a Asociación de Empresarios de Redondela acaban de renovar a súa colaboración en materia financeira, co obxectivo posto en mellorar o acceso ao crédito dos autónomos e pemes do municipio. O presidente da Asociación de Empresarios de Redondela, Enrique Lago, e a directora de zona en Morrazo/Redondela de ABANCA, Ángela Rodríguez, rubricaron hoxe un acordo na sede da asociación que renova a aposta que mantén a entidade financeira co tecido empresarial da provincia.

O BNG de Redondela pide investir en Saneamento os fondos do Plan Concellos

Mediante unha moción que se debaterá no Pleno ordinario de xaneiro, o portavoz municipal do BNG, Xoán Carlos González, pedirá que os máis de 800.000 euros da liña 1 (investimentos) do Plan Concellos 2019, "adíquense íntegramente para a ampliación da rede de saneamento". A gran demanda veciñal "dun servizo de primeira necesidade" e a dinámica do Goberno local de "reducir a mínimos históricos" a inversión de saneamento, son os dous motivos que, segundo González, impulsan a presentación desta moción.

A candidata do PSdeG-Redondela, Digna Rivas, reúnese coas asociacións de Negros e Cabeiro

A candidata socialista á alcaldía de Redondela, Digna Rivas, visitou esta pasada semana a parroquia de Cabeiro, para manter unha xuntanza co tecido asociativo e coñecer, sobre o terreo, os principais problemas que teñen os veciños e veciñas, ao igual que o fixera, días antes na parroquia de Negros. Antes das xuntanzas cos colectivos, a candidata socialista percorreu distintos lugares de ámbalas dúas parroquias onde, veciños e representantes de colectivos, explicáronlle ás demandas máis urxentes.

Redondela revalida o premio á reciclaxe activa na Área Metropolitana de Vigo

A Concellería de Medio Ambiente, dirixida polo concelleiro Miguel Ángel Álvarez, vén de facilitar os datos de reciclaxe do 2018, unha estatística que, segundo o Concello, "constata a tendencia á alza da reciclaxe na vila". Nos últimos anos, coa implantación do Plan de Reciclaxe e Compostaxe Redondela (2016-2020), o Concello afianza a súa aposta por esta materia. "Os programas de concienciación social e as campañas divulgativas que se poñen en marcha de maneira periódica, tamén axudan a que os datos sexan cada vez máis favorables", sinala o executivo local.

O BNG organiza un acto informativo sobre a sanidade pública galega en Redondela

O BNG desenvolverá o vindeiro venres, 1 de febreiro ás 20 horas e na Casa da Cultura de Redondela, un acto público para abordar a situación de deterioro que está a sufrir a sanidade pública en Galicia e onde, sinalan os nacionalistas, "a Atención Primaria está a ser unha das principais damnificadas polas nefastas políticas de privatizacións e recortes do Partido Popular".

AER volverá a presentarse ás municipais "se acada o necesario apoio previo da veciñanza"

A Agrupación de Electores de Redondela, reunida en Asemblea Xeral, decidiu que AER se presentará por terceira vez ás eleccións municipais o próximo mes de maio. Para que iso sexa posible, AER necesita previamente recoller, como mínimo, cincocentas sinaturas de veciños e veciñas de Redondela con dereito a voto. Esta, sinalan dende a Agrupación, "a diferencia máis grande entre AER e os partidos políticos convencionais".

Suscribirse a este canal RSS