agosto cultural

Salvaterra de Miño

A Deputación inaugura o Campo de fútbol de Fornelos-Oural en Salvaterra de Miño

O deputado da Cooperación da Deputación de Pontevedra, David Regades, acompañado pola deputada de Deportes, Chelo Besada, e polo alcalde de Salvaterra de Miño, Arturo Grandal, amais membros do Goberno local, inaugurou o pasado luns o novo campo de fútbol de Fornelos-Oural.  As obras, financiadas nun 75% pola Deputación de Pontevedra ─o que supuxo unha achega provincial situada en 350.593,77 euros─ e un 25% polo concello, “supuxeron garantir a seguranza das cativas e dos cativos que practican este deporte", asegurou David Regades.

  • 0

Éxito total da primeira edición de «Imos de Guateque»

Era a primeira edición de «Imos de Guateque» e, como todas as primeiras edicións xeraba as súas dúbidas. Era tamén unha idea que roldaba hai tempo na Concellería de Cultura, que xestiona Marta Valcárcel así que o que se fixo foi cuidar ata o máis mínimo detalle para que nada fallara nesta primeira edición dunha festa dos 60, 70 e 80. E como adoita suceder coas cousas ben planificadas, nada fallou e  a primeira edición de «Imos de Guateque» que nace con vocación de continuidade, foi todo un éxito.

  • 0

Maxia e música, protagonistas esta semana do programa cultural de verán de Salvaterra

Salvaterra de Miño segue a desenvolver as actividades do programa Cultural de Verán, organizado pola Concellería de Cultura que xestiona Marta Valcárcel e que está a contar, en todas e cada unha das súas actividades, cunha extraordinaria resposta do público. A partir de mañá mércores 9 de agosto, o programa ofrece maxia e música para rematar o sábado cun atractivo «Imos de Guateque».

  • 0

Salvaterra abre o prazo para participar na «Cata Comentada»

O Concello de Salvaterra de Miño mantén aberto prazo de inscrición para poder participar na «Cata Comentada» que se organiza ao abeiro da programación da Festa do Viño do Condado do Tea que, con esta, chega xa a súa quincuaxésimo oitava edición. Interesados e interesadas poden formalizar a inscrición, imprescindible para poder participar nesta actividade que cada ano esperta o interese dos amantes dos bos viños, na Casa do Concello de Salvaterra de Miño

  • 0
Suscribirse a este canal RSS