ponteareas

Ponteareas

CxG, a forza das mulleres

Os galeguistas de Ponteareas son o único partido que presentan máis mulleres que homes, nunha candidatura comprometida coa igualdade, na que as mulleres xogan un papel principal ocupando o 60% do equipo.

O Concello paga 600.000 euros dunha sentenza xudicial

A Concellería de Facenda do Concello de Ponteareas segue, segundo a súa titular, Belén Villar, “coa política de pagar todo o que se debe”, e fai fronte neste mes de abril a preto de 600.000 euros, correspondentes a facturas que principalmente se corresponden os anos 1992 a 1998.

A mellor web de actualidade de España é de Ponteareas

O CaixaForum de Madrid acolleu os “Premios 20Blogs” no que se dan cita centos de blogueros de toda España e ao que asistiron personalidades públicas a xornalista Ana Pastor o tamén xornalista e locutor Juan Ramón Lucas ou o candidato socialista á alcaldía de Madrid, Antonio Miguel Carmona.

Clásica Álvaro Pino, homenaxe a Marino Lejarreta

O próximo 9 de maio celebrarase a Clásica Álvaro Pino, unha marcha ciclista que servirá para render homenaxe ao ex ciclista profesional Marino Lejarreta. A proba empezará na rúa Concha Brey, diante da Casa do Concello de Ponteareas, ás 11 da mañá e percorrerá máis de 10 municipios ao longo de 144 quilómetros.

Chus Garrote reta aos demais candidatos a un debate público

Chus Garrote, candidata do PSdeG-PSOE, asegurou hoxe durante o acto de presentación da súa candidatura, que se trata dunha lista “nova, formada e preparada”. Na súa intervención expuxo un programa político baseado na creación de emprego e no desenvolvemento de políticas sociais que apoien aos máis desfavorecidos.

O BNG presenta unha candidatura “con experiencia para gobernar Ponteareas”

O BNG-AA de Ponteareas concorrerá á cita electoral do vindeiro mes de maio cunha lista que, segundo o número un da mesma e candidato a alcaldía, Xosé Represas, “combina xuventude coa experiencia de varios edís que repiten en postos de saída”. Entre as novidades cabe salientar a presenza, no primeiro tramo da lista, os once que representan a maioría absoluta no Concello de Ponteareas, de Roberto Mera Covas, portavoz e candidato do BNG entre 1995 e 2007 e que foi durante preto dun ano, primeiro tenente de alcalde do Concello de Ponteareas no goberno bipartito PSOE-BNG.

Suscribirse a este canal RSS