8.3 C
Pontevedra
Xoves, 28 de Marzo de 2024
Máis
    HomeO CondadoMondariz BalnearioMondariz Balneario acolle este sábado 29 o concerto de 'Santana Swing' ao...

    Mondariz Balneario acolle este sábado 29 o concerto de ‘Santana Swing’ ao abeiro do programa «Musigal» da Deputación

    Na actuación, que terá lugarás 22:00 horas, a artista fai un percorrido polas cancións das mulleres máis relevantes da historia do jazz e presenta composicións propias

    O son do jazz soará esta última fin de semana de xullo en Mondariz Balneario a través da actuación de Santana Swing, enmarcada no programa Musigal, posto en marcha pola Deputación de Pontevedra para contribuír á difusión e promoción da música galega e en galego nos concellos da provincia. O concerto terá lugar este sábado 29 a partir das 22:00 horas nos Xardíns do Gran Hotel da vila.

    Nesta actuación, a artista Ariadna Santana fará un percorrido polas cancións das mulleres máis relevantes na historia do jazz e presentará algunha das súas composicións propias. Para elo, Santana Swing trasladará ao público asistente ás salas de festa de principios do século XX e incorporará a músicos influenciados por Django Reinhardt, así como polas correntes do jazz e da improvisación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.