As Neves

As Neves inicia unha nova tempada de «Cinema de Inverno»

O Concello das Neves, coa colaboración da Deputación de Pontevedra, volve de novo os sentidos ao sétimo arte e inicia unha nova tempada do ciclo «Cinema de Inverno», que terá como sala de proxección o Auditorio Municipal. A primeira proxección chegará á pantalla o domingo día 27 de xaneiro, ás 18:30 horas, da man das curtas infantís de OQO Editora, Os sete cabritos, A pota que trota e Fiz, o coleccionista de medos.

O Concello das Neves mellora as escolas de Rubiós e Taboexa

O Alcalde das Neves, Xosé Manuel Rodríguez Méndez, vén de supervisar as obras que se están a facer na Escola de Rubiós que teñen coma obxectivo, coma as que se levan adiante tamén na Escola de Taboexa, a mellora destes inmobles para continuar prestando o seu uso educativo. O rexedor local comprobou que están a atallarse os problemas de humidade do edificio, así coma a de falla de illamento térmicos nas aulas, a mellora e reposición do chan e a colocación dun novo lavabo.

A inscrición do Campamento Familiar, abre unha ampla programación de Nadal nas Neves

O Concello das Neves vén abrir o prazo para o campamento ambiental  ‘O noso medio’, pensado para facilitar a conciliación da vida familiar e laboral durante as vacacións de Nadal. O campamento será totalmente de balde e comezará as súas actividades o luns 24 de decembro para pechalas o venres 4 de xaneiro de 2019. Poderán participar no mesmo nenas e nenos de entre 4 e 12 anos de idade que poderán participar en diferentes actividades dende as 9 da mañá. As inscripcións poden facerse xa no enderezo Este enderezo de correo está a ser protexido dos robots de correo lixo. Precisa activar o JavaScript para velo..

As Neves renova o alumeado público na rúa Eira da Liñaza

O Concello das Neves prosigue desenvolvendo o plan de de mellora no alumeado público e edificios públicos de cara a conseguir unha maior eficiencia enerxética e, ao mesmo tempo, un maior aforro económico ao mesmo tempo que se anova o servizo. Os traballos centráronse, nas últimas datas, na renovación do sistema de alumeado –incluídos os báculos das luminarias– en toda a rúa Eira da Liñaza, xunto cunhas novas no barrio do Monte.

As Neves continúa co seu programa de mellora da rede viaria

O Concello das Neves continúa coa reparación de camiños durante 2018, desenvolvéndose agora os traballos en Garavisco-Aldea, Carrasqueira e Chan. A inicios de ano os esforzos tiveron que centrarse en Santa Olaia de Batalláns sobre todo en Trasdoval e Pío. As enchentes derivadas dos lumes de 2017 afectarons a 4 puntos nos que os regatos cruzan nas estradas deixando 3 desdes puntos co tráfico pechado. Nese punto reparáronse as canalizacións, os muros e o asfaltado.

Actos do aniversario dos lumes nas Neves

O Concello das Neves conmemora o vindeiro luns, día 15, o 1º aniversario da vaga de lumes que o 15 de outubro de 2017 arrasou máis de 4.000 hectáreas, queimou preto de 30 casas e acabou con empresas do sector primario que daban emprego a ducias de veciñas e veciños.

Suscribirse a este canal RSS