As Neves

As neves poderá compostar todo o lixo orgánico da veciñanza a primeiros de 2019

O Plan Revitaliza da Deputación de Pontevedra vai permitir ao Concello de As Neves mudar o seu modelo de xestión de lixo e compostar todos os biorresiduos da súa veciñanza a primeiros de 2019. A distribución de 1.300 composteiros individuais e a instalación dos cinco centros de compostaxe comunitaria, permitirán que o Concello de As Neves sexa un dos primeiros da provincia ─xunto con Vilaboa, Mondariz, Mondariz Balneario, O Grove e Pontevedra─ e de todo o Estado que compostará todos os seus biorresiduos.

  • 0

Un erro da Xunta ocasiona ás Neves serios problemas de persoal

O Concello das Neves vén de expresar, públicamente o seu "descontento" cun erro da Xunta de Galicia que deixa ao municipio, na época estival, con menos persoal do que se tiña previsto para realizar tarefas de mantemento e limpeza de espazos e viais públicos. O Goberno BNG-PSOE tiña previsto contar con cinco persoas máis dende o mes de maio pero, a Xunta, nun primeiro momento, denegou a subvención para contratación de persoas preceptoras de Risga.

  • 0

A Deputación anova a contorna de Santa Marta de Ribarteme

A contorna da igrexa de Santa Marta de Ribarteme, no concello de As Neves, mudará por completo a súa fisonomía e converterase nun espazo "moderno, atractivo e deseñado a escala humana, atendendo ás necesidades sociais tanto da veciñanza como de visitantes". De feito, a veciñanza xa puido ver este mediodía unha recreación do gran cambio que sufrirá esta área nun encontro encabezado pola presidenta da Deputación, Carmela Silva; o alcalde da localidade, Xosé Manuel Rodríguez Méndez, e o deputado de Mobilidade, Uxío Benítez.

  • 0

Medio cento de persoas, na Ruta do Viño Rías Baixas nas Neves

A Ruta do Viño Rías Baixas, incluída no Club de Produto das Rutas do Viño de España, completou onte unha xornada de sendeirismo «Camiñando entre Viñedos» nas Neves, cita á que acudiron un total de 50 persoas chegadas de distintos puntos da provincia. O percorrido comezou na adega asociada Señorío de Rubiós, onde os asistentes percorreron as instalacións á vez que se lles explicaba o traballo desenvolvido nesta empresa.

  • 0

A Deputación mellora a contorna de Santa Marta de Ribarteme nas Neves

“Crear un espazo atractivo, seguro e accesible, potenciando actividades e poñendo en valor a arquitectura do edificio parroquial e o propio espazo público”. Con esas palabras resumía o deputado de Mobilidade da Deputación provincial as obras que se desenvolverán para mellorar a contorna da igrexa de Santa Marta de Ribarteme no Concello de As Neves cun proxecto de preto de 200.000 euros.

  • 0
Suscribirse a este canal RSS