Charla en Ponteareas para nais e pais sobre dislexia edificultades específicas de aprendizaxe

Dotar de ferramentas de aprendizaxe e ensino a toda a comunidade escolar sen ter que sair do entorno, é un dos compromisos da concellería de Ensino que dirixe Cristina Fernández. Nesa liña, o vindeiro 30 de xaneiro, ás 19 horas na Sala Multiúsos do Auditorio Municipal 'Reveriano Soutullo', terá lugar unha charla a cargo da médico de familia Esther López, presidenta de AGADIX (Asoc. Galega de Dislexia), baixo o título 'Dificultades específicas da aprendizaxe: Dislexia e outras DEA'.

Ponteareas acolleu a primeira xornada da III Copa de Promoción de Bádminton

O Complexo Deportivo 'Alvaro Pino de Ponteareas' acolleu este domingo a primeira xornada da 'III Copa de Promoción do Bádminton «XOGADE»', competición na que participaron un total de 180 nenos e nenas de diferentes clubs da provincia: CB Rosalía de Vigo, IES de Teis, CEIP San Salvador de Vigo, CB Tui, Asorei Cambados, CB Crecente, CB Rachaplumas, Compañía de Maria Cangas, Colegio Estudio, CB Salvaterra, EDM Salceda, CB Mondariz e o anfitrión CB Ponteareas.

A sección feminina do CN Ponteareas, campionas galegas no Campionato Galego Máster

O complexo Deportivo Rías do Sur, en Pontevedra, acolleu do 19 ao 20 de xaneiro, o Campionato Galego Máster de inverno en natación, no que 439 nadadores e nadadoras de 26 equipos dábanse cita na primeira proba importante da tempada. As nadadoras da sección feminina do Club Natación Ponteareas, proclamábanse Campioas Galegas, mentres que o Club ponteaerán remataba nunha meritoria terceira posición. 

Excelente papel do CPA Condado na 'I Fase de Categoría Rexional'

O pasado 19 de Xaneiro celebrouse en Salvaterra de Miño e baixo a organización do Club Patinaxe Artistica Condado de Salvaterra a 'I Fase de Categoría Rexional'. O ano non podía comezar mellor tanto para o club coma para as súas súas patinadoras, ao ser o CPA Condado de Salvaterra o club de Pontevedra con máis participación e máis podios.

Suscribirse a este canal RSS