Escolares do Porriño plantan árbores nos montes de Chenlo

Escolares do CEIPAntonio Palacios e o CEIP Plurilingüe da Ribeira participaron onte na plantación de árbores autóctonas nos montes de Chenlo. Arredor de 100 nenos e nenas dos colexios de Torneiros conmemoraron deste xeito, como cada ano, o a Xornada Mundial Forestal tamén denominada Día da Árbore, que cada ano coincide coa entrada da primaveira o 21 de marzo. Nesta ocasión, e debido aos cambios climáticos que estamos a vivir, adiantouse unhas semanas para asegurar que as árbores plantadas polos cativos medren con toda seguridade.

Mos aproba a segunda fase da humanización de Cela

A Xunta de Goberno Local do Concello de Mos, aprobou a segunda fase do proxecto de humanización en Cela. Esta segunda fase humanizará a Estrada Generoso Domínguez desde o Camiño de Quinta ata a Igrexa de San Pedro de Cela. A obra conta cun orzamento base de licitación de 360.166,86 € máis IVE segundo consta no proxecto técnico redactado polo enxeñeiro en febreiro de 2019. 

O papel actual da muller, a debate no Porriño

Leire Pajín, exministra de Sanidade e Igualdade; Carmen Avendaño, presidenta da Fundación Erguete e Carla Reyes, presidenta da asociación Executivas Galicia, compartirán o vindeiro martes 12 en Porriño un interesantísimo debate sobre o papel actual das mulleres. A cita será as 19:30 h no Centro Cultural Municipal e forma parte da programación «As Mulleres fan Porriño», iniciativa promovida polo Concello co gallo do 8M.

O Porriño repudia a violencia machista

Eva García, alcaldesa de O Porriño presidiu hoxe a concentración silenciosa en repulsa polo crimen machista acontecido onte en Valga. O acto celebrouse a mediodía ante a Casa Consistorial e contou coa presenza das concelleiras de Economía e Seguridade, Lourdes Moure e de Servizos Sociais e Igualdade, Soledad Girón así como outros membros da corporación local, funcionarios, traballadores municipais e veciños que se sumaron espontáneamente á convocatoria.

Eva García de la Torre: "As mulleres estamos ante un 'tempo de excepción'"

“Estamos en tempo de excepción: se nos chaman feminazis por defender os nosos dereitos, pois a moita honra por que as mulleres queremos é facer as cousas do mesmo xeito que os homes”, dixo Eva García de la Torre, alcaldesa de Porriño no acto institucional do 8M celebrado hoxe nesta vila. “Vimos de ver o que ten pasado en Andalucia: a ameaza de partidos que pretenden arrebatarnos dereitos que creíamos ter gañado para sempre; por eso digo que estamos en tempo de excepción” manifestou a rexedora local.

O PP porriñés lamenta que a "falta de xestión" do Goberno prexudique á veciñanza

O candidato do PP á Alcaldía do Porriño, Alejandro Lorenzo, achacou hoxe á "nula capacidade de xestión" do Concello do Porriño, o feito de que veciñas e veciños véxanse prexudicados ao non terse tramitado a tempo a solicitude da rebaixa do 10 % do canon de Sogama, tal e como fixeron o 77 % dos municipios galegos adheridos a este modelo de tratamento de residuos sólidos urbanos.

Suscribirse a este canal RSS